Is Pregadorias antigas: su signo de sa devozioni - Provincia del ...

Comune di Furtei
14) Tantu méritu concuistau
ricumpensat su Segnori,
de glória e de onori
at in celu coronau
e in fronti collocau
diadema pretziosu! Rit.
15) Immoi chi in celu regnais
fortunau cumprensori
nos siais protetori
in custus terrenus guais,
de Deus nos alcantzais
in terra, in celu reposu! Rit.
Sant’Isidoru 129
Messaju miraculosu
De gràtzias dispensadori,
Siast nostru intercessori,
Sidoru santu gloriosu!
1) In Madrid manna citadi
de sa Spagna ses cumpartu
cali soli postu in artu,
luxendi cun caridadi
dissipas s’iscuridadi
de su mundu tenebrosu! Rit.
2) Po prima ocupatzioni
innantis de trabballai
procuras de t’iscurtai
sa missa cun divotzioni,
oferis coru e personi
a Deus babbu amorosu! Rit.
3) Una dí bandas debbadas
a missa a bonu mangianu
chi tenit su sagrestanu
is portas ancora serradas,
ma gràtzias prus signaladas
ti fait Deus generosu! Rit.
4) Su celu craru e luxenti
cun inní su Redentori
bis cun summu gosu e onori
celebrendi craramenti:
su Sennori onnipotenti
tantu fait po tui gustosu! Rit.
5) Su meri pagu cuntentu
non andendi a trabballai
de bonu chitzi a osservai
de logu artu istat atentu,
però su risentimentu
si càmbiat in summu gosu! Rit.
6) Bit dus àngelus arendu
cun duus giús (ita portentu!)
e tui in mesu totu atentu
su trabballu cuntemplendu,
su meri custu osservendu
ti rispetat ossecujosu! Rit.
7) De caridadi inflammau
a pòburus distribbuias
cudhu pagu chi tenias
de su trabballu acuistau,
frutu su prus sinnalau
de su coru tuu amorosu! Rit.
8) Non solamenti assistiast
a su pòburu mindigu
ma medas bortas su trigu
a is pillonis ispaniast
e po totus teniast
coru mannu e generosu! Rit.
9) Cun su strúmbulu as tocau
sa terra e in cuss’istanti
essit funtana abbundanti
chi su meri at consolau
sendu de sidi afannau
in s’istadi calorosa! Rit.
10) Su Sennori de is Sennoris
cumpensat a larga manu
tant’onori cristianu
po mannus e po minoris,
93