Is Pregadorias antigas: su signo de sa devozioni - Provincia del ...

88
Pregadoria candu unu si ndi pesat 115
Apenas pongu is peis in terra
Deus mi ndi boghit de pena
e de dogna mala sorti,
mi acumpangit sa dí de oi
cun d-una bona sorti.
In nòmini de su Babbu, de su Fillu
e de s’Ispíritu Santu. Aici siat.
Pregadoria candu unu si ponit
is bistiris 116
Sa camisa mi bistu
in nòmini de Gesugristu,
in nòmini de Santuanni
s’aremigu non m’ingannit
ne a dedí ne a denoti.
Deus mi campit de mala sorti,
de morti subbitana
e de àcua de funtana
e de àcua de arriu,
misericórdia, Deus miu.
Pregadoria de acuasanta mi cunfrimu 117
De acuasanta mi cunfrimu
saludu a Deus in primu e a Maria poi
ca no apu ascurtau Missa ancora
seu benida a Dh’ascurtai
no dhu sciu chi nci apu a torrai
cun s’ànima e cun su corpus
Deus miu assistei a totus.
Pregadoria essendi de crésia 118
Essendi de crésia
Dèu mi ndi andu
s’ànima e su corpus miu
s’arracumandu siat chi nci torri bia
chi nci torri morta.
IS PREGADORIAS ANTIGAS - SU SIGNU DE SA DEVOTZIONI
S’ànima e su corpus miu
siat arregorta de totus
is Àngelus celestialis
de su Paradisu.
Pregadoria intrendi a crésia 119
Nostra Signora, lassaimí intrai,
non seu sigura chi apu a torrai
ne cun s’ànima ne cun su corpus,
Nostra Signora, assistei a totus;
de acuasanta mi cunsegnu
a Deus salludu po primu e a Nostra
Signora,
no apu ascurtau missa ancora,
cun d-unu frori de alligria,
cun d-unu frori de argentu
siat salludau su Santíssimu Sacramentu.
Pregadoria po agatai is cosas pédrias 120
Gesugristu candu essiat
de bona fortuna fiat
e fiat ora bona
e bessiat a foras
a mudas a mudas
Pédriu at Giudas
Giudas fiat perdenti
Gesús e Sant’Antoni
seu ingruxada de is bias
po bí e tocai sa cosa
chi mi est mancada.
Pregadoria po is istracias 121
Sant’Àbrara e Santu Giacu,
bosu portais is crais de lampu,
bosu portais is crais de celu,
no tocheis a fillu allenu
ne in domu e ne in su sartu,
Sant’Àbrara e Santu Giacu.