Is Pregadorias antigas: su signo de sa devozioni - Provincia del ...

Comune di Serrenti
Babbu nostedhu pitiu pitiu,
mi ndi seu pesau de bonu matinu,
mi ndi seu pesau de bonu mangianu,
ogus a celu apu artziau,
ogus a celu a sa Gloriosa,
frisca siat che sa rosa,
frisca siat che su lillu,
mamma cara cudhu fillu,
mamma cara cudhu santu,
Patri, Fillu e Ispíritu Santu.
Sa ruxitedha de su paracreu 618
Sa ruxitedha de su paracreu,
custu fut unu giudeu,
custu fut unu galliotu
mandau a primudotu,
a primudotu mandau.
Gesugristu ingionugau
fadendu oratzioni, oratzioni fadiat,
Santu Pedru prangiat,
Santu Pedru no prangiais
ca seus incadenaus de funis e de cadenas.
Biadas mammas allenas,
429
biada mamma mia, tochendu s’agonia,
s’agonia tocheis, narendu abeteis,
abeteis fin’a candu apu a pigai sa
beneditzioni,
sa beneditzioni pigheis,
un’àngiullu at abasciai
un’àngiullu biancu,
Dòmini, Patri, Fillu e Ispíritu Santu.
Sannoredha mia 619
“Sannoredha mia, abí seis andendu?”
“Dèu seu andendu a cicai a fillu miu!”
“A fillu bostu dhu portant is giudeus,
passendidhu totu monti monti,
sa gruxi de òru portat in fronti,
sa gruxi de linna non podit portai,
sonai is campanas de bonu tocai,
sonai is campanas de bonu mengianu.
Issu gei est mortu, mortu e interrau,
dh’ant imbiau in cussa litaredha
bèni bèni iscrita po si arregodai
su sonu de sa trumbita,
su sonu de sa cadena,
Ave, Maria, gràtzia prena.