Is Pregadorias antigas: su signo de sa devozioni - Provincia del ...

330
Dormi Redentori,
téneru Bambinu,
dormi, Gesulinu,
eternu Signori,
dormi, Salvadori,
durtzi vida mia.
Dormi...
Cògius de Nosta Sennora
de su rosàriu 391
Sereníssima aurora
De sa santa melodia,
Prega po nosu Maria
De su Rosàriu Sinniora.
Aurora bella brillanti,
Gemma fini orientali,
Cristallinu diamanti,
Germógliu celestiali,
Rosa intata virginali
Di aflitus consoladora.
Prega po nosu...
Aurora luminosa,
De is celus ornamentu,
Ses in totu misteriosa,
Maria vasu de argentu,
De tesorus fundamentu,
De gràtzias dispensadora.
Prega po nosu...
De su supremu contzillu,
De sa divina natura,
Luxenti càndidu lillu
Prus de dónnia creatura,
Sendi in sa celesti altura
De ónnia donu possessora.
Prega po nosu...
Tui ses arca triunfali
Ingiriada de cleméntzia,
Su Criadori celestiali
IS PREGADORIAS ANTIGAS - SU SIGNU DE SA DEVOTZIONI
T’at donau sa poténtzia
E su fillu sa sapiéntzia
Su spíritu amori ancora.
Prega po nosu...
Sa celesti gerarchia
Bellus cantus intonada
Candu Gabrieli intrada
Saludendu Ave Maria.
Ses luxi consolu e ghia
De s’ànima pecadora.
Prega po nosu...
Cògius de Santu Gavinu Màrtiri
Turritanu 392
Venerau su primu domínigu de maju in
San Gavinu M.le
Nosu totus ti pregaus
Po s’agiudu tuu Divinu,
In tui si confidaus,
Santu Màrtiri Gavinu.
Sendu in su mellus frori
De sa tua picinnia
Sighiast s’idolatria
De unu deus ingannadori
Imitendu su pecadori
T’iscurigat su camminu.
In tui si cunfidaus...
Ma ti iscrariat sa menti
Cudha luxi celestiali,
Po riparai su mali
Dh’arricis prontamenti
E a Deus Onnipotenti
Dhu istimas de continu.
In tui si cunfidaus...
S’evangéliu t’iant integrau
Protu impari cun Genuàriu.
No dimostras su contràriu