Is Pregadorias antigas: su signo de sa devozioni - Provincia del ...

196
a Deus cun firma manu
e sa boxi fais risonai
cun amori soberanu.
6) Ses colpiu e flagellau
cun frécias de forti ferru
preparadas in s’inferru
cun ira e cun furori
Ti procurant dogna dolori
ma ses forti e sovrumanu.
7) Su momentu est arribbau
de sa fidi coragiosa
a sa mata ses ligau
po Cristu cundannau
cun sa morti gloriosa
Tui ses màrtiri cristianu.
8) In su Celu Tui risplendis
de dogna luxi trionfali
e in Terra de dogna mali
is devotus tuus difendis
contr’a dogna mali estendis
su poderi sovrumanu.
9) Ti tenint po abbogau
totu is míseras creaturas
in doloris e in tristuras
Tui ses sempri nomenau
e ses sempri suplicau
de su gèneri umanu.
10) Bèni iscís ita est favori
in dogna necessidadi
Tui prega cun piedadi
po nosu a su Redentori
po chi dogna pecadori
non ti domandit invanu.
11) Sa bidha de Lunamatrona
ti venerat Compatronu
pro su trionfali donu
concedei dogna favori.
Libberaus de ogna dolori
ringratziaus a Sebbastianu.
IS PREGADORIAS ANTIGAS - SU SIGNU DE SA DEVOTZIONI
Cògius de su mesi de Maria 263
In festa totu allegria
Laudendi totus a Deus
Su maju santificheus
chi est su mesi de Maria.
Custu est su mesi prus bellu
Ch’in totu s’annu tengaus
E dh’afestant in su celu
Totu is àngelus cungregaus
A Issu nosi donaus
Cun felici cumpangia.
Su maju santificheus…
In su maju totu is cosas
Tenint aspetu ridenti
Laudendi s’Onnipotenti
Cun notas armoniosas
Cun boxis misteriosas
De soavi melodia.
Su maju santificheus…
Amenas bessint is prantas
Soavis bessint is froris
Bistendi tantis coloris
Mandendi fragrantza tanta
O mesi chi totu incantas
Mesi de vera allegria.
Su maju santificheus…
Gòcius de sa consolatzioni 264
De Torinu protetzioni
e sucursu universali
líbberanos de mali,
Mamma de Consolatzioni.
Custa immàgini sagrada
de tantus devotus suus
cincu séculus e prus
fiat istétia abbandonada;
Màssimu obispu torrada