Is Pregadorias antigas: su signo de sa devozioni - Provincia del ...

Comune di Lunamatrona
Pregadoria 271
Gesús miu crucificau
libberamí de su corpus e de su dannu
e s’ànima de su pecau.
(si fa il segno della croce sulla fronte, sul
petto e sulle spalle).
Pregadoria 272
Sa Mesa de su Signori
po mei est apariciada
de Àngelus ingiriada
de Àngelus po Dha serbiri
diciosa cudha dí
chi s’ànima mia siat límpia e pura
po andai a sa segura
sentza nisciunu ingannu
no nc’est istadu prus mannu
e ne atra nobbilesa
su mi biri in custa Mesa
sagrada de su Celu.
O Babbu miu amurosu e bellu,
ca non mi bastat su coru
de arriciri custu tesoru,
mi limpit deunutotu
cun coru devotu
chi mi potzat ànimai
mi pòngiu a pentzai
ca apu oféndiu a Tei,
o meschina de mei
cessu chi mi despiru
in custu santu cumbidu
chi donas de dultzura,
seu indigna creadura
de tenni minescimentu.
Po sempri siat alabau
su Santíssimu Sacramentu.
Pregadoria 273
Bintru a Crésia e tocu sa porta
de Gesús e de Maria
s’ànima de Babbu e de mama
siat arragorta,
s’ànima mia siat in grória,
s’ànima allena bogada de pena.
Pregadoria 274
Acuasanta mi cunsínniu
a Deus saludu in primu,
e a Nostra Sinniora
no apu ascurtau Missa ancora,
seu benida a dh’ascurtai
Deus mi at a perdonai
de totus is pecaus mius.
Pregadoria 275
201
Dèu mi crocu po mi dromí
tres cosas depu pedí
sa Cunfessioni, sa Comunioni e Ollusantu
Su Babbu, su Fillu e s’Ispíritu Santu.
Pregadoria 276
In su letu miu mi nc’intru
cun s’Àngelu beneditu
cun s’Àngelu cantendi
Gesugristu predichendi
su biatu Sant’Antoni
su biatu Santu Giuanni
s’aremigu mai m’ingannit.
Pregadoria 277
Mi crocu po mi dromí
tres cosas tèngiu de Si pedí
Cunfessioni, Comunioni e Ollusantu.
Patre, Filio e Spirito Santo.