Is Pregadorias antigas: su signo de sa devozioni - Provincia del ...

Comune di Gonnosfanàdiga
piedosíssima. Cunfidaus in su Celesti agiudu bostu, e proponeus firmamenti de
non pecai mai prus e cun coru sinceramenti contritu imploraus misericórdia e
perdonu. E po chi is consideratzionis nostras, apitzus de custu singulari privilégiu,
siant santas e salutaris, domandaus de èssiri cunfortaus de bosu, o Summu
Deus, chi dh’eis gloriosamenti operau, e de bosu ancoras, o Vírgini Sagrossanta,
chi ndi seis istada fata digna.
Prima dí
Fatu veramenti singulari e gloriosu, ne mai in is cuaranta séculus, chi dh’ant
pretzédiu, ne mai s’at a biri rinnovau in is séculus posterioris, est sa Cuncetzioni
Immaculada de Maria, sa cali meda cara po sèi etotu a su coru de su Cristianu, e
meda prus cara, poita intimamenti unida a is grandus Mistérius, chi a dogna ómini
sunt de supremu interessu, temporali e eternu. Issa nosi presentat innantis de totu
s’umana natura, restituida a sa prima integridadi sua in Maria. Creada custa umana
natura, pura e innotzenti, fata ogetu de is divinas cumplaxéntzias, est istada súbbitu
infetada de su velenu de su pecau, e arruta in disgràtzia de su Creadori suu, e incapatzi
de si ricontziliai cun Issu, non podiat incontrai médiu de ndi bessiri de cust’istadu
infelitzi. Ma a Deus Creadori biendu guasta de su totu187 custa bella ópera sua,
bèni allargu de dha rovinai e de dha pódiri, at bófia comenti Maistu piedosíssimu e
ótimu riformaidha e faidha un’átera borta, 188 pura e innotzenti cumenti istétia fiat
de printzípiu, in Adamu, e in Eva. Postu at duncas manu a si formai una creatura,
chi cuntenessit unu gradu nou de puridadi e de innotzéntzia originali in mesu a is
difetus de sa natura corrúmpia. E ecu chi cumparrit Maria, totu bella, e sentza
máncia, fintzas de su primu instanti de s’éssiri suu, sentza de ignorantza, sentza
inclinatzioni a su pecau, sentza difetu in s’ánima, sentza ribbellioni de su corpus
contra de s’ispíritu, única, immaculada tra totus is fillus de is óminis chi cun su
puríssimu candori suu cumpargessit a is ogus de Deus esenti de sa corrutzioni de
totus is àterus, e in sa perfeta integridadi sua, rapresentessit nobbilissimamenti esprímia
sa primu integridadi de sa natura umana, cali bessia fiat de is manus puríssimas
de Deus Creadori. Veru est, chi custa própria natura, 189 débbili po sèi etotu s’integridadi
e sa perfetzioni in Gesugristu. Ma Gesugristu fiat a su própriu tempus Deus
e ómini; e si boliat chi ancoras tra is sémplitzis creaturas fessit unu flori Immaculau,
in su cali aparessit perfetamenti restabbilia s’ópera de Deus. Su flori sceltu, po
si cumpliri custu mistériu, Issa est Maria.
Pater tre Ave ed un Gloria
Oratzioni a Deus Creadori
O Creadori de is óminis, Deus providentíssimu! Gràtzias infinitas bosi rendeus, poita
eis ristorau in Maria s’integridadi e s’innocéntzia originali de s’umana natura. Dh’eis
fatu po onori e glória bosta, po onori e glória de sa própria umana natura, po onori e
consolatzioni de totus nos àterus, chi de custa seus fillus. Siais adduncas beneditu e
eternamenti alabau! Ma o cantu seis ammiràbbili in is òperas bostas! Custa interesa e
innocéntzia originali de Maria est princípiu de unu nou órdini de cosas, in su cali
135