Is Pregadorias antigas: su signo de sa devozioni - Provincia del ...

642
at a èssi disígiu a peis de Fillu miu
ca non ant a tenni nisciuna nova maba.
A chi scit custa oratzioni
dh’at a nai tres bortas ónnia cenàbara,
e nd’at a bogai un’ànima de pena e
de pecau.
Pregadoria 942
Óstia pura cunsagrada
de Àngelus ingiriada
de Àngelus e de Apòstolus
pregai po is pecaus nostus
po is mortus e po is bius
e po is pecaus mius.
Pregadoria 943
Su letu miu est de cuatru cantus
e dhoi crocat cuatru Santus
cuatru Santus de su Celu
dus a peis e dus a conca
cun sa Vírgini Maria a su costau
siat po sempri su Santíssimu labau.
Pregadoria 944
In sa corti de Bellei
dhoi at milla e unu incravau
una fémina de bèni,
una fémina cristiana
cun is Apòstolus suus.
“Bistu m’eis a Gesús?”
“Deus Gesús disarmau?”
Sissi sissi m’est atopau,
unu mucadori Dhi apu giau
po s’istrexi su sudori
ca fut meda sudau.
Andemus andemus
cantu prus acoitemus,
Dhu trovemus incravau
cun Santu Billibeni
IS PREGADORIAS ANTIGAS - SU SIGNU DE SA DEVOTZIONI
e cun Santu Billimalu
cun sa corona de ispinas.
Chi at a nai custa tres bias, ànima de pena
nd’at a bogai, chi dh’at a isciri e non dh’at
a aprendi, chi dh’a aprendi e non dh’at a
nai sa dí de su Giudítziu contus at a giai.
Pregadoria 945
Dèu mi corcu e mi pongu a dormiri
is Àngiulus siant agordaimiri
e tres a peis e cuatru a conca
Nostra Signora siat innòi pronta
e narendumidha “Francischedha” dromidí
e narendumí “Francischedha” riposa
Nostra Signora mia gloriosa.
Pregadoria 946
Dèu seu crocada in su letu miu,
non seu sigura de mi ndi pesai,
de morri non isciu candu
s’ànima a Deus arracumandu,
Gesús, Giusepi e Maria.
Pregadoria 947
S’arracumandítzia de s’ànima
Gesús, Giusepi e Maria
si ofru su coru e s’ànima mia
Gesús, Giusepi e Maria
fintzas a s’última agonia
Gesús, Giusepi e Maria
ispirit in paxi su coru e s’ànima mia
e s’últimu unconi chi pigu
siat s’Óstia sua cunsagrada.
Pregadoria 948
Sant’Antoni miu onnipotenti,
manus portais in su fogu ardenti