Is Pregadorias antigas: su signo de sa devozioni - Provincia del ...

646
e in poboresa meda.
In domu de Giuanni de Vega
s’est dépiu acodrai,
prima de trabballai
s’ascurtàt sa Missa,
giungiat su giú e ci essiat a arai.
Su meri dh’acusàt de cuntritzioni
nendu ca Isidoru non sciriat trabballai.
Si ponit in bia cun coru de leoni
cun sa bidea de ci dhu bogai.
Su meri dh’agatat
cun sa bia signada,
ca su giú fut arendi e Isidoru fut preghendi
a Giusepi e Maria
ca annada bella potessit mandai.
Giuanni de Vega àcua a Isidoru
at dépiu domandai.
Fatzat su prexei, acostit acanta mia,
po unu momentu pensit de aspetai.
Tres corpus de pallita a terra depiat ghetai.
Ecu ch’est innòi s’àcua de bufai.
Su meri dh’arrespundit:
O Isidoru, non seu prus dignu de ti
cumandai.
Non seu prus dignu de ti tenni a serbidori,
ti lassu cun Deus, sighi a trabballai.
Isidoru fut arendu e is pillonis papendu
portàt acanta sua e non dhus ispedriat,
e non s’inchietàt,
e trigu de su sacu pensàt de ndi pigai.
A s’iscurigadroxu, candu s’acujànt,
boxis de gódiu depiat ascurtai.
Saludu a su Fonti Batesimali 966
Saludu a su fonti batesimali
anca a mimmi m’anti batiau.
Ollusantu e sabi m’anti passau.
Giusepi e Maria e s’Ispíridu Santu portu
a su costau.
Cuss’ómini cun su nòmini miu siat batiau,
a sa Vírgini Maria siat cunsecrau,
e si líbberit de dónnia pecau.
IS PREGADORIAS ANTIGAS - SU SIGNU DE SA DEVOTZIONI
Santa Bràbara e Santu Giacu 967
Santa Bràbara e Santu Giacu,
vosu portais is crais de campu,
vosu portais is crais de celu,
non tocheis a fillu meu,
non tocheis a fillu allenu
ne in domu ne in su sartu.
Santa Bràbara e Santu Giacu.
Santu Larentzu bonu 968
Santu Larentzu bonu,
donaimí bonu sonnu,
bonu sonnu po dromiri.
Àngelus a biri,
àngelus angiulinus.
Totu is tres Marias, sa mamma de Gesugristu
mi pongat una manu in cintzu,
mi pongat una manu in testa,
po mi dromí notesta,
notesta e dónnia noti.
Deus mi campit de mala morti,
de mala morti subbitana,
de àcua de funtana,
de àcua de arriu.
Santu Larentzu miu.
Su Babbunostru 969
Babbunostru chi ses in is celus,
siat santificau su nòmini tuu;
bengat a nosu su rénniu tuu;
siat fata sa voluntadi tua
coment’e in su celu, aici in sa terra.
Su pani nostru de dónnia dí
donasidhu oi e perdonasí
is pecaus nostrus, comenti nosàterus
perdonaus a is depidoris nostrus.
No si lessis arrúiri in tentatzioni,
libberasí de mali e amen, Gesu.