Is Pregadorias antigas: su signo de sa devozioni - Provincia del ...

Comune di Gonnosfanàdiga
Aintru de sa dí 177
Andada seu a bingixedha mia,
apu agatau sa bia arromada,
apu pregontau chi dhui est passada,
dhui est passada Nosta Sennora,
sa Mamma ainnantis e su Fillu acò,
Santu Giusepi cun sa cumpangia,
Mamma soberana, Vírgini Maria.
Arrosàriu 178
(prima parte in latino)
Sacerdote: Domine, labia mea aperies.
Tutti: Et os meum annuntiabit laudem tuam.
Sacerdote: Deus, in adjuvandum me festína
Donne: Gloria Patri, et filio et Spiritui
Sancto
Uomini: Sicut erat in principio, et nunc,
et semper: et in saeculorum. Amen.
(seconda parte in sardo)
Donne: Allabau sempri siat su nòmini de
Gesús e de Maria, su nòmini de Gesús e
de Maria.
Uomini: Allabeus a prus, a prus, su nòmini
de Maria e de Gesús, su nòmini de
Maria e de Gesús
Donne: O Gesús, de amori acéndiu, no
Si bobia mai Bos ai oféndiu
Uomini: Amantíssimu Gesús, non Si bollu
ofèndiri prus, non Si bollu ofèndiri
prus Babbu nostu, chi istais in celus, aici
in sa terra.
Donne: Su pani nostu de dogna dí, donanosidhu
oi e pedronanosí is pecaus nostus;
cumenti nosatrus eus perdonau is
depidoris nostus; non si lessis arrui in
GONNOSFANÀDIGA
131
sa tentatzioni. Libberanosí de mali.
Amen Gesús.
Uomini: Deus ti salvit, Maria, prena
de gràtzia; su Segnori est cun tegus,
benedita ses tui, intra totus is féminas,
e beneditu est su frutu de is intragnas
tuas, Gesús.
Donne: Santa Maria, Mamma de Deus,
pregai po nosàturus is pecadoris, immoi
e in s’ora de sa morti nosta. Amen
Gesús.
Atu de contritzioni 179
Laudaus a Gesugristu / e bideus cumenti
istu, / mi bideis cumenti istau, / seu
arruta in su pecau, / non c’est àcua in su
mari, / non c’est folla in sa mata / e ne
istellas in su celu, / non c’est preidi, /
ma sceti Deus podit isciolli custu pecau,
/ Bosu puru, Signora Manna, seis Filla
de Sant’Anna.
Candu si nd’iscidaus 180
In nòmini de su Babbu, de su Fillu e
de s’Ispíridu Santu. Aici siat.
Babbunostedhu pitiu pitiu,
pesada mi seu in su bonu camminu,
in su bonu camminu mi seu pesada,
Nosta Sennora mi est adobiada
e mi at fatu sa gruxi in fronti,
Deus mi campit de mala morti,
de mala morti subbitana,
de àcua de funtana, de àcua de arriu,
Babbunostedhu pitiu pitiu.