Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
Fillu tantu maltratau,
fillu tantu persighiu:
nara, pópulu atriviu,
ita dannu t’at causau?
Poita t’at illuminau
tui dh’as bófiu aciotai?
Poita issu at restituiu
a medas tzurpus sa vista,
poita issu a sa conchista
de ànimas est bessiu
de púrpura dh’as bestiu
po ti ndi bolli befai?
Esercítziu cotidianu de su cristianu 395
Pregadorias po su mangianu
Poita sustentu at donau
e abbundàntzia a is famius,
poita is consumius
de maladias at curau
e i mortus risuscitau,
morti dh’as bófiu donai.
Mortalis, chi camminais
e andais po dógnia via,
narai si a sa pena mia
similantis nd’ incontrais,
si narais chi non nd’agatais
beridadi eis a nai.
Po su signali de sa Santa Gruxi de is enemigus nostus, libberanosí, Deus nostu. In
nòmini de su Babbu, de su Fillu e de s’Ispíritu Santu. Aici siat.
Bos ofèrgiu, Deus miu, custu primu respiru, e is àterus totus de custa dí, e dhus unu a
cudhus de su Sacratíssimu Coru Bostu.
Adoru, Deus miu, Sa Bosta Divina e infinita Magestadi, chi po èssiri immensa, bosi
creu a mei presenti, e bos ofèrgiu is atus totus de adoratzioni chi, immoi e po totu
s’eternidadi, bos ant a tribbutai is Àngelus e Santus de su Paradisu.
Bosi ringràtziu, Deus miu, po totus is benefítzius chi m’eis fatu, generalis e particularis,
tantu in s’órdini de sa naturalesa che de sa gràtzia, ocultus o manifestus; e
principalmenti bosi ringràtziu po sa bondadi e passiéntzia cun sa cali m’eis sufertu
tanti tempus cun tantis pecaus.
Bosi ringràtziu, Deus miu, po sa bona noti chi m’eis donau; po is luxis cun is calis eis
illuminau s’intelletu miu e po is afetus cun is calis eis móviu sa voluntadi mia.
Bos ofèrgiu, Deus miu, totus is pentzamentus mius, paràulas e òperas; totu su bèni chi
apu fatu e apu a fai in custa dí, e in totu su tempus de sa vida mia, uniu a sa Passioni
Bosta Santíssima a onori e glória de s’Augustíssima Trinidadi, in soddisfatzioni de is
pecaus mius, e in sufràgiu de is Beneditas Ànimas de su Purgatóriu, e de cudhas in
particulari po is calis seu principalmenti tentu po óbbligu de giustítzia e de caridadi.
333