Is Pregadorias antigas: su signo de sa devozioni - Provincia del ...

334
IS PREGADORIAS ANTIGAS - SU SIGNU DE SA DEVOTZIONI
Mi rassignu, Deus miu, in totu e po totu a sa Bosta Santíssima e amorosíssima voluntadi,
prontu a acetai calisisiat cosa chi mi bengat de is manus Bostas divinas, pròspera
siat o contrària, ancoras chi fessit in custa própria dí una morti repentina, si Bosu
dha boleis, o Deus miu, a sa cali però bosi pregu de mi preparai.
Creu in Bosu, Deus miu, avalorai sa fidi mia: isperu in Bosu; consolidai, Deus miu,
sa sperantza mia; amu a Bosu; infiammai, Deus miu, s’amori miu: mi pentu de bos ai
oféndiu, o Bondadi infinita; acrescei, Deus miu, su dolori miu: promitu de non s’ofèndiri
mai prus e de mi santificai cun is Sacramentus Bostus; fei, Deus miu, chi siat
eficaci su proponimentu miu.
Babbu nostu, chi ses in is Celus, santificau siat su nòmini tuu. Bengat a nosu su Regnu
tuu. Siat fata sa voluntadi tua, comenti in su Celu aici in sa terra. Su pani nostu de dogna
dí donanosidhu oi e perdonaisí is pecaus nostus comenti nosàterus perdonaus a is depidoris
nostus. Non si lessis arrúiri in sa tentatzioni, ma libberanosí de mali. Aici siat.
Creu in d-unu solu Deus Babbu totu poderosu, Creadori e Signori de su Celu e de sa
terra. E in Gesugristu Fillu suu únicu, Signori nostu. Su cali est istétiu concebiu po
òpera de s’Ispíritu Santu; est nàsciu de Maria Vírgini. At patiu bàsciu de Póntziu
Pilatu; est istétiu crucificau, mortu e sepultau. Est abbasciau a is inferrus, sa tertza dí
est resuscitau de intr’e is mortus. Est artziau a is Celus, aundi est sétziu a sa manu
dereta de Deus Babbu totu poderosu. De inní at a bènniri a giudicai is bius e is mortus.
Creu in s’Ispíritu Santu, sa Santa Crésia Católica, sa Comunioni de is Santus, su
perdonu de is pecaus, sa resurretzioni de sa carri, sa vida eterna. Aici est.
Santu, Santu, Santu seis Bosu, o Signori, Deus de is esércitus. Plenus sunt is Celus e sa terra
de sa Glória Bosta. Glória a su Babbu, glória a su Fillu, glória a s’Ispíritu Santu. Aici siat.
Deus Ti salvit, Maria, plena de gràtzia, su Signori est cun tegus, Benedita ses Tui intr’e
totus is féminas, e beneditu est su frutu de is intragnas tuas, Gesús. Santa Maria, Mamma
de Deus, prega po nosàterus pecadoris, immoi e is s’ora de sa morti nosta. Aici siat.
Deus ti salvit, Giusepi, fillu de Dàvidde, Isposu de Maria e Babbu putativu de Gesús:
Bosu, potenti tra is Beatus Comprensoris, pleneimí de s’amori de s’Isposa Bosta e de su
Fillu suu divinu; assisteimí in totus is ocasionis, perígulus e necessidadis, e particularmenti
difendeimí de is assaltus de s’enemigu in s’ora tremenda de sa morti mia. Aici siat.
Àngelu de su Signori, chi seis su custodi miu po órdini de sa piedosa Providéntzia de
su Deus miu, custodeimí in custa dí, illuminaimí, regulai is afetus mius, guvernai is
sentimentus mius, po chi dèu no ofenda su Signori Deus miu. Aici siat.
Santus e Santas, Abbogaus mius, dèu bos invocu de totu coru: agiudaimí Bosu cun is
intercessionis bostas, a talis chi cumpla esatamenti totus is Cumandamentus de Deus
e de sa Crésia, totus is doveris de s’istadu miu, e aici sia fatu dignu de is promissas de