Is Pregadorias antigas: su signo de sa devozioni - Provincia del ...

440
A Santa Vida 637
Giai chi regnas gloriosa
In s’eternu risplendori,
Miranosí cun amori,
Vida de Gesús isposa.
De Castedhu in sa tzitadi
Nascis de Babbu onorau;
Su batismu t’est donau
In sa prus tènera edadi
E luegu in sa santidadi
Ti mostras prodigiosa.
Miranosí...
Po tanti perfetzioni
Prus de soli risplendenti
Bolit sa pagana genti
Chi t’inserrint in presoni
Fintzas chi dongas rexoni
De sa vida fervorosa.
Miranosí...
Resistis costanti e forti
A su crudeli tiranu
Chi cun ímpetu inumanu
Ti bolit donai morti;
Ti donat Deus sa sorti
De vitória aventurosa.
Miranosí...
De grandu furori armau
Cussu tiranu infernali
Su corpus tuu virginali
Cumandat siat flagellau
Po chi aici turmentau
Tengat morti dolorosa.
Miranosí...
Ma crescendu su furori
In s’ecúleu ti distendit
E tot’is nérbius t’istendit
Cun d-unu immensu dolori;
IS PREGADORIAS ANTIGAS - SU SIGNU DE SA DEVOTZIONI
Ma triunfas cun s’amori
De sa prova turmentosa.
Miranosí...
Non consighendu s’intentu
Ses provada cun su fogu;
Currit sa genti a su logu,
Ma mirat grandu portentu:
Un’àngelu bit atentu
Chi ti salvat, o diciosa.
Miranosí...
Bit su pópulu frementi
Su portentu soberanu,
E di èssiri cristianu
Declarat pubblicamenti;
Triunfas, Vida innocenti,
In manera portentosa.
Miranosí...
Ma s’ànima est ostinada
De cussu Guvernadori
E cumandat cun furori
Chi bengas degogliada:
Bolas, vírgini sagrada,
A su celu luminosa.
Miranosí...
O Vida, amorosa e pia
Ch’in mesu a milli portentus
De luxi trasferimentus
De Genoni ses benia,
Consolu siast e ghia
De custa bidha amorosa.
Miranosí...
De s’altura de sa glória
Màrtiri e Vírgini pura,
Miranosí cun premura,
De nosu teni memória
E donasí vitória
In custa vida penosa.
Miranosí...