Is Pregadorias antigas: su signo de sa devozioni - Provincia del ...

Comune di Furtei
po obispu permanenti
a Dionissi dhi lassestis,
a sa pàtria torrestis
felitzi e premurosu. Rit.
5) Tui cun grandu fervori
predicasta giai tres annus
po dissipai is ingannus
de s’infernali furori
e po celesti favori
cun frutu meravigliosu. Rit.
6) Is ministrus infernalis
cun fúria a Crésia intrendu
in s’Altari celebrendu
bosi elevant cun pugnalis
aici a is gosus immortalis
bolastis vitoriosu. Rit.
7) Su corpus bostu sagrau
millecincuxentus annus
interu e francu de dannus
ancora s’est cunservau
e de sànguini bagnau
cun prodígiu istrepitosu. Rit.
8) Candu sa trupa francesa
su sepulcru bostu insultesit
tropu caru dhi costesit
custa sacrílega impresa
is muscas cun fieresa
faint massacru orrorosu. Rit.
9) Sendu sa noti mancada
sa luxi in domu a sa genti
cun prodígiu surprendenti
si fiat bida illuminada;
in totu santificada
cudha famíglia cun gosu. Rit.
10) Grandu Santu, cumpassioni
tenei de is devotus
e ascurtai is votus
in sa nostra aflitzioni.
E s’eterna salvatzioni
alcantzainosí piedosu. Rit.
O Santu miraculosu
De Furtei protetori,
Siais nostru intercessori
Nartzisu santu gloriosu!
A Santu Sebbastianu Màrtiri 65
De isplendori soberanu
Seis de Deus adornau.
Siais nostru abbogau,
Gloriosu Sebbastianu!
1) De nobbilesa e valori
teneis sa discendéntzia,
illustri in sa poténtzia,
distintu in grandu onori;
seis altu difensori
de su pópulu cristianu. Rit.
2) Oriundu de Milanu
nascistis in Narbona
candu s’Impériu e sa Corona
regiat Diocletzianu
in Roma cun crudeli lei
contr’a su cultu cristianu. Rit.
3) Po sa nobbilesa e valori
chi aici tantu bos at ornau,
seis caru e venerau
de su própriu Imperadori:
de sa guàrdia prus magiori
seis fatu capitanu. Rit.
4) De tantu onori investiu
pigais bell’argumentu,
de sollevai su turmentu
a su pòberu afligiu,
àngelu in terra beniu
De su celu soberanu. Rit.
67