Is Pregadorias antigas: su signo de sa devozioni - Provincia del ...

Comune di Tuili
Làudis de sa S. Cruxi 704
Fecundu Àrbore fioridu,
Viva e misteriosa pianta,
Pretziosa Rughe santa,
Àrbure d’Eterna vida.
Mística Arca de Noè
Contr’a sa tempesta amara
Alta e prodigiosa Vara
De su místicu Moisè,
Iscetru de s’eternu Re,
Bandhera in altu estendida.
Pretziosa
Iscala de Jacob sagrada
De chelu a terra suspesa,
Iscala de ànghelos mantesa
De Deus a pala portada,
Davídica Arpa acordada
Cun tres clavos guarnida.
Pretziosa
Letu ue s’est dormidu
Cudhu anzone immaculadu,
Àrbure su piús notadu
De su piús frutu nodidu,
Àrbure ue at fatu nidu
S’Arca de Chelu benida.
Pretziosa
Crae chi sola aperzisit
Sas portas de s’altu Chelu
Inue su sacru velu
De testa a pes si rompisit,
Libbru inue s’iscrivisit
Sa piús lítera nodida.
Pretziosa
Càtedra de alta letzione,
Suprema iscola Divina,
Càtedra de alta dotrina,
Iscala de salvatzione,
Porta de consolatzione
Pro s’ànima afligida.
Pretziosa
Vessillu de sa milítzia
De cudhu divinu Marte,
Vessillu de s’altu istendarte
Contr’a s’umana malítzia
Vera d’eterna giustítzia
Contr’a sa culpa omicida.
Pretziosa
Tronu ecelsu singulare
De s’altu Re Salomone
Inue su Redentore
Sos tribbunis det giudicare,
Lignu chi si det mustrare
In cudha última benida.
Pretziosa Rughe Santa,
Àrbore de Eterna vida.
Làudis de sa SS. Trinidadi 705
Cun fideles intenziones
E in totu su esau [?] meu
Credo in d-unu solu Deu
E tres distintas personas.
Est unu Deus in esséntzia
Trinu in personalidade,
Uguale in sa Majestade
Uguale in s’Onnipoténtzia,
Uguale in s’Eminéntzia
De Divinas perfetziones.
Credo in
Indivídua Trinidade
Indivisu Esser Divinu
Veru Deus unu e trinu
E trinu in s’umana unidade
Simplicíssima Entidade
In diversas processiones.
Credo in
Su chi Católicu ses
Cres sentza imbargu alcunu,
Su Deus chi in tres est unu
Est tambene in d-unu tres
495