Is Pregadorias antigas: su signo de sa devozioni - Provincia del ...

Comune di Gonnosfanàdiga
Agonizendu in d-una gruxi infami
Dhu bit sentz’e agiudu ne cunfortu
E cun maternu trasportu
Ndi provat is penas e is doloris.
Prangiaus…
X Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
Custa décima Istatzioni rapresentat su logu aundi Gesugristu fiat istau ispollau e po
bufai dh’iant donau feli.
Cunsidera, ànima mia, su divinu Gesús esternamenti lacerau e plenu de sànguini,
internamenti amaregiau de aspríssimu feli. Ecu comenti pagat cun sa nudidadi sua sa
gala e sa vanidadi de is bistiris tuus, e cun s’amargura sua sa gula de is mundanus. E
poita non ti movis a cumpassioni? Deh, ghetadí a peis suus e naradhi:
Afligidíssimu Gesús miu, ita grandu diversidadi! Bosu totu sàngui, totu liagas, totu amargura;
e dèu totu gosu, totu vanidadi, totu dultzuras. Ah, non at a èssiri prus aici; deh! Fei
chi cambi vida e chi lassendu is plaxeris de sa vida presenti, non gusti che is amarguras de
sa santíssima passioni bosta, po gosai pustis cun Bosu is delítzias de su Paradisu.
Pater. Ave. Gloria. Signori, apu pecau…
Sancta Mater istud agas
Crucifixi fige plagas
Cordi meo valide!
O Mamma de piedadi e totu amori,
Deh! dividi is penas tuas cun mei,
Su coru miu de tei
Ndi pighit sa metadi de is doloris.
Prangiaus….
XI Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
Custa decimaprima istatzioni rapresentat su logu, aundi Gesugristu fiat postu in gruxi
a presentza de sa santíssima Mamma sua!
Cunsidera, ànima mia, s’ecessivu dolori chi Gesús at suportau candu at inténdiu trapassai
de is obbilus venas e ossus, is nérbius e sa carri. Comenti mai non ti disfais de
165