Is Pregadorias antigas: su signo de sa devozioni - Provincia del ...

Comune di Tuili
Is falsas Divinidadis
Ma de talis voluntadis
Ses valenti bincidora.
Sias
Su tirannu cun lamentus
Cumpatit sa malasorti
E po evitai sa morti
Promitit vanus cuntentus
Disprétzias fintza is turmentus
Ca de Deus ses serbidora.
Sias
Adorai ídolus vanus
Cun astútzia meda vili
Su Presidenti gentili
Sollítzitat is Cristianus
Ma is consillus inumanus
Tui isprétzias superiora.
Sias
De candori angelicali
Ses dotada de bellesa
Persighi cun tanta puresa
Cudhu inimigu infernali,
Tui de s’ondra virginali
Ti mostras cunservadora.
Sias
In presoni maltratada
Sunfris pesantis cadenas
Cun angustias e cun penas
Moris a filu de ispada,
Po cussu ses nominada
De sa fidi defensora.
Sias
Cun tirànnica violéntzia
Perdis sa vida mortali
Alcantzas sa celestiali
De sa Divina cleméntzia
Disponit sa providéntzia
Sias de nosu amparadora.
Sias
Su gentili furibbundu
Ocultat su corpus Santu,
S’incontrat cun meda ispantu
In d-unu logu profundu,
Oculta fiast a su mundu,
Sa fama bivit ancora.
Sias
Clamoris universalis
Ti celebrant portentosa
Sendu de Gesús isposa
Das erbas medicinalis
Sanendu funestus malis,
De gràtzias operadora.
Sias de sa devota genti,
Santa Arega, intercessora.
Làudis a s’Ispìridu Santu 697
Beni columba de amori!
Beni Celeste giardinu!
Beni Ispíritu divinu,
Consola su pecadori!
Beni columba volanti,
Vísita is mentis chi amas,
Infundi amorosas flamas
In is corus nostus amantis!
487
Làudis a su Santìssimu Sacramentu 698
O Serafine cuntentu
De sos chelos abbassadu,
Siat semper laudadu
Su Santíssimu Sacramentu.
Sagradu memoriale
De sas grandhesas divinas,
De grandhesas peregrinas
Compéndiu Celestiale,
Pane santu angelicale
Ispirituale nutrimentu.
Siat semper