Is Pregadorias antigas: su signo de sa devozioni - Provincia del ...

546
IS PREGADORIAS ANTIGAS - SU SIGNU DE SA DEVOTZIONI
is pelegrinus, maistu de is personas chi disígiant sa perfetzioni: protetori de sa virtudi,
e zelanti de sa glória de Deus, consillendu in modu particulari sa limúsina, su
digiunu e s’oratzioni. Dèu bosi pregu, piedosíssimu Santu Rafieli, po cudha caridadi,
cun sa cali iais acumpangiau su giòvanu Tobbias difendendidhu de medas perígulus
duranti su cursu de su viàgiu, libberendu a issu e a s’isposa sua Sara de cudhu crudeli
Dimóniu Admodeu, su cuali iais esiliau a unu vastu e orrorosu desertu, restituendu a
su bonu béciu Tobbias s’usu de sa vista tzurpu comenti fiat de giai cuàturu annus,
arrichendu po última prova de protetzioni sa domu e sa famíglia sua de immensa
cantidadi de bènis; bosi pregu mi assistais in is maladias, po chi non manchi in sa
passiéntzia, e in sa rassignatzioni, mi acumpangeis in is viàgius, e mi difendais de su
dimóniu de s’impuresa donendumí prontesa in su scaciai is tentatzionis disonestas,
po chi bivendu cun puresa e castidadi in custa vida potza meritai de biri sa luxi de
Deus in s’eternidadi e ancoras bosi pregu chi mi otengais sa gràtzia chi bosi domandu
in custa santa novena.
Oratzioni a Maria Santíssima de is Àngelus
Soberana Reina de is Celus e Signora de totus is noi Corus de is Àngelus, Maria
Santíssima, digna Mamma de su Signori miu Gesugristu, Templu vivu de sa Santíssima
Trinidadi, a sa cali at cuntzédiu s’onnipoténtzia s’Eternu Babbu, sa sapiéntzia
s’Eternu Fillu, sa caridadi e s’amori s’Eternu Ispíritu Santu.
Depositària amorosa de is tesorus de sa gràtzia Printzípiu de su rescatu nostru.
Restoradora de sa perditzioni universali de totu su géneru umanu. Nou gosu, e
allegria de is santus, glória singulari de is òperas de s’Altíssimu, e únicu istrumentu
de s’Onnipoténtzia dèu bosi cunfessu po Mamma dultzíssima de misericórdia, e
de amori. Refúgiu de is miseràbbilis, difesa, e passiéntzia de is pòberus e necessitosus,
consolu de is disperaus, e afligius e creu e cunfessu dogna privilégiu, chi de
bosu est plàxiu a Deus de fai connòsciri a su mundu. E poita chi su poderi bostu
divinu cumbidat a totus, pecadoris e giustus, dotus e ignorantis malàdius e sanus,
mannus e piticus, de dogna stadu, e conditzioni po chi si presentint a domandai
favoris, e gràtzias a su Coru bostu totu afetuosu e libberali, dèu ancoras, animau de
sa santa cunfiantza chi mi inspirat a su coru su dultzíssimu nòmini bostu, o Maria
Reina Soberana de totus is Gerarchias de is Àngelus, mi ghetu a is peis bostus e a
nòmini de totus is Àngelus, e in modu particulari in nòmini e po sa intercessioni de
s’Arcàngelu Santu Rafaeli, bosi pregu nosi otengais de su stimadíssimu Fillu bostu
s’esaltatzioni de su santu nòmini suu in dogna parti de su mundu, sa saludi ispirituali
de totus is ànimas, sa cunversioni de is pecadoris, cudhus printzipalmenti prus
induréssius e ostinaus, sa confusioni de su nemigu infernali, s’estensioni universali
de sa Santa Crésia Católica, e sa paxi, e sa cuncórdia tra is Príncipis Cristianus, po
chi totus alabeus eternamenti su Santu Nòmini de Gesugristu a su cuali siat glória
po totu is séculus de is séculus. Aici siat.
[...] 798