Is Pregadorias antigas: su signo de sa devozioni - Provincia del ...

Comune di Furtei
Planta fecunda odorosa,
Viva istella luminosa
de su divinu amori. Rit.
2) Altu cipressu divinu
In Lusitània plantau
In su giardinu sagrau
De Franciscu Serafinu,
Altu bellu birdi opinu
De frutu suavi odori. Rit.
3) Postu in sa religioni
De Franciscu patriarca
Navighendi in tali barca
Cun velas de oratzioni
Su portu de salvatzioni
Alcantzau as cun onori. Rit.
4) De santu amori inflammau
In cussu santu giardinu
De s’altu Verbu divinu
Ses istétiu visitau
In bratzus tuus fortunaus
Carignas su Redentori. Rit.
5) Cali donu t’at a negai
A tui mai s’Onnipotenti,
Dogna língua diferenti
Ti serbit po predicai,
Chini podit numerai
Dogna celesti favori? Rit.
6) Tzurpus, tzopus istrupiaus
De malis e contagionis
Funti cun s’oratzioni
In d-un’istanti sanaus,
Is mortus resuscitaus,
Cunvértiu su pecadori. Rit.
7) A s’aflitu peregrinanti
A chi sufrit aversidadis
S’in mesu de tempestidadis
T’invocat su naviganti
Ti dimostras a s’istanti
Amigu consoladori. Rit.
8) Ses allíviu a sa suferenti
De partu in is duras penas,
Su presoneri in cadenas
Isciollis cun bratzu potenti,
Si acusant unu innocenti
T’oferris po difensori. Rit.
9) Non ti bollas perturbai
Candu fatu as perdimentu,
Invoca a Antoni cuntentu
Su pérdiu as a incontrai,
Custu non podit mancai
Si tenis fidi e fervori. Rit.
10) Àcua, terra, fogu e bentu
Ti obbidint riverentis,
Ti ascurtant ubbidientis
Is astrus, su firmamentu,
Mula sentza intendimentu
Adorat su Creadori. Rit.
11) Non est ancora mancau
Mari de tanti portentus,
Mireus a Pàdua intentus
E a cussu templu sagrau
Chi nisciunu isconsolau
Visitat sentz’e fervori. Rit.
12) Giai chi immoi ses collocau
In tant’altura de glória,
Teni sempri memória
De chini ti at invocau,
De cussu sóliu dorau
Miranosí cun amori. Rit.
Sant’Ignàtziu 128
De virtudi e de zelu
Esemplari luminosu,
Prega po nosu in su celu,
Ignàtziu prodigiosu!
1) In Làcuni fortunau
sa prima luxi eis biu
91