Is Pregadorias antigas: su signo de sa devozioni - Provincia del ...

160
II Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
IS PREGADORIAS ANTIGAS - SU SIGNU DE SA DEVOTZIONI
Custa segunda Statzioni rapresentat cudhu logu aundi a s’amantíssimu Gesús fiat
carrigada sa pesanti linna de sa gruxi.
Considera, ànima mia, comenti su benigníssimu Gesús abbratzat sa santa gruxi; e oh!
cun cali mansuetúdini arricit is colpus e is feridas de cussa turba scellerada, mentras
tui indolenti fuis dogna patimentu. E non scis chi sentza de gruxi non s’intrat in su
celu? Ah prangi puru e repiti a Deus:
A mei e non a bosu, Gesús miu, cumbenit custa gruxi! Ahi! Pesantíssima gruxi, fabbricada
de is grandus pecaus mius! Deh Redentori miu divinu, donaimí fortza po abbratzai
totu is gruxis chi meritant is culpas mias; fei chi mòrgia abbratzau a sa gruxi e innamorau
de issa repita de continu cun S. Teresa: Patiri o mòrriri, patiri o mòrriri.
Pater. Ave. Gloria. Signori, apu pecau…
O quam tristi et afflicta
Fuit illa benedicta
Mater Unigénitu!
Suspirendu de coru e contristada
Martirizada s’ànima dolenti
Su coru cruelmenti
Dhi trapassant ispadas de doloris.
Prangiaus….
III Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
In custa tertza istatzioni si rapresentat su logu aundi Gesugristu fiat arrutu sa prima
borta cun sa gruxi.
Cunsidera, ànima mia, comenti s’afligidíssimu Gesús, indebbilitau po ai ispartu tantu
sànguini, fiat arrutu sa prima borta in terra. Deh! Mira cumenti cussus crudelis dhu
maltratant e dh’arrogant. Epuru su passientziosíssimu Gesús non aperit buca, ma
sunfrit e citit; candu tui a dógnia pitica moléstia ti indignas e maleditzis detesta de
una borta custa dilicadesa e nara:
Amantíssimu Redentori, ecu a peis bostus su pecadori prus pérdiu de cantu ndi esistit in
sa terra. Oh cantus retroxas! Cantus bortas seu pretzipitau in s’abbissu de s’inicuidadi!
Deh stendeimí sa manu bosta. Agiudaimí o Gesús miu, agiudaimí po non arrui prus in
pecau mortali e po mi assigurai s’eterna saludi. Signori, apu pecau, tenei etc…
Pater. Ave. Gloria