Is Pregadorias antigas: su signo de sa devozioni - Provincia del ...

Comune di Samassi
in custa terra, e de dh’agatai apustis in sa beata eternidadi. A is giustus imparaidhus e
a is pecadoris, a is mannus e a is piticus, is calis in Bosu ponint sa cunfiantza insoru,
e Mama Bos narant e apógiu e refúgiu e protetora e Maista.
Unu Babbunostu, tres Ave Marias, unu Gloria Patri.
Cuarta dí
Sa pérdita chi Maria iat fatu de Gesús ancora pipiu non fiat istada che ligera immàgini
de sa pérdita meda prus dolorosa chi depiat fai de Issu in prus madura edadi. Ahi!
Ecu chi sa grandu fatali dí est arribbada; inflammada est sa còllera de s’Eternu Babbu;
su furori de is óminis malus est a is últimus etzessus; e su Divinu Gesús già
traíxiu coment’e unu vili de su pérfidu discípulu, già sbregungiu e befau in su pretóriu,
già pistau de fierus colpus e ridúsiu de is flagellus a una sola gliaga, bandat a èssiri
sacrificau in su Calvàriu. Imoi ita at a fai Maria? Candu su Fillu si acostat a is prus
durus passus, aundi est e ita pensat mai sa Mama? Ah! preparaiosí, o óminis de sa
Terra, e Àngiulus de su Paradisu, preparaiosí a su grandu lastimosu ispetàculu. Maria
súbbitu inténdia sa nova de sa senténtzia de morti donada già de Pilatu contra a
Gesús; custa, narat in su coru suu, custa est s’ora destinada de su Babbu: andeus e a
su sacrifítziu de su Fillu si unat ancora su sacrifítziu de sa Mama. At a mòrriri su Fillu
miu Gesús, ma dh’apu a biri mòrriri cun is ogus mius, e s’importat, apu a mòrriri cun
Issu. Defatu ponendusí in su caminu chi portat a su logu de is giustitziaus, e arribbada
a certu puntu, si bit bènniri in s’artziada de su monti s’istimau Unigénitu, ma o cantu
diversu de su de innantis! Dhu bit trapassau sa conca de unu fasci de ispinas, cun sa
pesanti gruxi asuba de is palas, insanguinau, desfigurau, lànguidu e mesu mortu, dhu
bit ingiriau non de fidelis turbas coment’e àteras bortas, ma de carnéfitzis crudelis,
de bàrbarus sordaus, de pérfidus Iscribbas e Fariseus chi faint allegria e festa po is
tormentus de s’odiau Gesús. Dhu bit rigai de su Divinu Sànguni Suu sa via, e totu
afannau e suspirosu, oprimiu in su dolorosu viàgiu de mortali languori, arrúiri una e
prus bortas, e àteru confortu no arriciri che colpus e ispintas e befas e bestémmias. O
incontru! O vista! O dolori! Si mirant insaras in passendu; e fissendusí is ogus de
Gesús in is ogus de Maria, e su coru de su Fillu in su coru de sa Mama, arcanas cosas
cun teneríssimu afetu de dolori in misteriosu siléntziu si narant e si respondit. Plangint
amaramenti a tali vista is pias féminas chi síghinti su bonu Gesús a su Calvàriu.
Ma sa Mama non plangit, ne in violentus trasportus s’isfogat, poita chi totu inserrat
in su coru s’afannu e s’amargura sentza ndi pèrdiri mancu una guta, po ndi formai
cudhu mari sentza oru e sentza fundu, de su cali est iscritu: magna est velut mare
contritio tua (Jerem. in thren. 2. 13.)
Unu Babbunostu, tres Ave Marias, unu Gloria Patri.
Oratzioni a su Eternu Babbu
Santíssimu Eternu Babbu! E est mai beru chi s’Unigénitu Fillu Bostu est propriamenti
custu chi cali insigni malefatori est condúsiu in manera sa prus infami a su suplítziu?
Ma comenti mai s’allegria de su Paradisu s’est cambiada in lutu, sa fortalesa de is
Àngiulus s’est cambiada in languori, sa viva imàgini de sa bellesa Bosta s’est cam-
295