Is Pregadorias antigas: su signo de sa devozioni - Provincia del ...

596
Gògius de su Santíssimu Sacramentu 837
O celestiali alimentu a nosàterus donau,
Po sèmpiri sias laudau, Santíssimu Sacramentu.
Alimentu chi s’amori at pótziu solu inventai
de si ofriri po papai su meri a su servidori;
tantu at fatu su Segnori po nosi donai cuntentu.
Tanti at fatu su Creadori po creatura tanti vili
chi sustentat a civili, a ricu o de grandu onori,
o siat mannu o siat minori, de totus est sustentu.
Est sustentu chi cuntentat e a totus gana ndi fait,
ma cantu prus soddisfait su disígiu prus aumentat:
cantu gustu isperimentat s’ànima in custu alimentu!
Est sustentu superiori a su mannà decantadu
ca non solu at inserradu in sèi dogna sabori,
ma dispensat prus vigori de calisisiat sustentu.
No atendas a su sabori ne mancu a sa biancura,
ca su chi parrit creatura est su própriu Creadori
e de is ogus custu errori corrígiat s’intendimentu.
Nemmancu a sa cantidadi dhi dongas atentzioni
poita si fais devotzioni agatas in realidadi
su própriu in sa mesidadi, che in su mínimu fragmentu.
Corpus vivu, verdaderu, in s’Óstia sacra adoraus,
ma nos lassat ammiraus prodígiu de tanti ismeru,
chi si restat totu interu si si dividit in centu.
Mortalis totus, restai cun sobrada ammiratzioni
ca si milli o unu millioni si bollint alimentai
no po cussu fini mai tenit su sacru alimentu.
Non si negat a nisciunu custu Signori divinu,
cun su prus bàsciu e meschinu si manifestat comunu,
cantu prus pòburu est unu, tanti prus restat cuntentu.
De personas distintzioni mai nd’at bófiu fai:
issu si lassat portai fintzas a intru de presoni
po donai sa refetzioni sentza mostrai discuntentu.
A genti dota, o imperita, siat denoti o siat dedí,
o a mengianu, o a su merí no dhi negat sa visita,
de una domu poberita mai s’est mostrau esentu.
IS PREGADORIAS ANTIGAS - SU SIGNU DE SA DEVOTZIONI