Is Pregadorias antigas: su signo de sa devozioni - Provincia del ...

536
IS PREGADORIAS ANTIGAS - SU SIGNU DE SA DEVOTZIONI
Segnora, chi su coru Nostu bivat fertu, e mortu a totu su Profanu; su chi aspetaus de
consighiri resenduruosí in memória de custu Dolori unu Babbunostu, seti Ave Maria,
e unu Gloria Patri.
Sétimu Dolori
Et posuit Eum in Monumento
Nosi cumpadesseus de Bosu, Segnora, po su Dolori chi eis patiu in s’amarga
Soledadi Bosta, sepultau giai Fillu Bostu. Fei, Segnora, chi nosàterus atureus
sepultaus a totu su terrenu, e bivaus solamenti po Bosu; su chi aspetaus de consighiri,
resenduruosí in memória de custu Dolori unu Babbunostu, seti Ave Maria,
e unu Gloria Patri.
In memória e reveréntzia de is làgrimas, chi ant derramau is puríssimus Ogus Bostus
in sa vida, passioni, e morti de Fillu Bostu, bosi ofresseus tres Ave Marias po nosi
cuncedi làcrimas de verdaderu dolori, chi isburrint is pecaus nostus.
In memória e reveréntzia de is cincu liagas de Nostru Segnori Gesugristu bosi ofresseus
cincu bortas su Babbunostu, po nosi alcantzai una bona e santa morti.
Po otènniri su patrocíniu Bostu, Segnora, e Reina de is Doloris, in s’ora de sa Morti
nosta, bosi ofresseus un’Ave Maria.
Ofressimentu
Mama e Segnora nosta, infinitas gràtzias bosi donaus de nos ai cuntzédiu logu, e
tempus po alabaiosí cun custu Bostu Dolorosu rosàriu, e aici bosi dhu ofresseus, po
chi Bosu dhu presenteis po Nosàterus a Fillu Bostu, e comenti a tanti merescidora de
is Divinas Gratzias po mesu de is Bostus sensibilíssimus doloris, chi eus meditau,
nosi alcantzeis de su pretziosíssimu Fillu bostu aumentu in sa fidi Católica, e sua
esaltatzioni, paxi e cuncórdia intre is príncipis cristianus, estirpatzioni de is eregias,
e cunversioni de is infielis. Donainosí, Segnora, perseveràntzia in custu Santu Esercítziu,
e guardainosí de arrui, e morri in pecau mortali; e finalmenti fei chi serbat in
sufràgiu de s’Ànima de purgadóriu sa prus necesitada, po chi custa intertzedat in sa
Glória po totus Nosàterus. Aici Siat.
Nàscida de Gesús o ninna nanna 791
Bufu bufu cantu e s’òru
Sa mantíglia fut de òru
Su bistiri de brocau
Gesús fut crocau
Nudu e iscrobetu
Sa cruxi po letu
Sa carda po cabidali
Su 25 de norali
Fut nàsciu Sarbadoi
Ge ndi adiat de lugori
In su letu de Maria
Dromi fillu e coru
Arriposa anninnia.