Is Pregadorias antigas: su signo de sa devozioni - Provincia del ...

550
IS PREGADORIAS ANTIGAS - SU SIGNU DE SA DEVOTZIONI
Novenàriu de s’Immaculada Cuncetzioni de sa Vírgini Maria, Mamma de Deus 799
Novenàriu po onorai sa memória de sa Immaculada Cuncetzioni de sa Beata Vírgini Maria.
In nòmini de su Babbu, de su Fillu e de s’Ispíritu Santu, Amen.
Atu de Contritzioni
Prostraus umilmenti a sa preséntzia Bosta cunfessaus a Bosu o Deus Babbu Onnipotenti,
e a Bosu Maria Mamma nostra Santíssima, chi seus indigníssimus pecadoris e
chi tropu eus pecau cun is pensamentus, cun is paràulas e cun is òperas. Ma nosi
penteus e summamenti nosi displaxit poita eus pérdiu su Celu, poita eus merésciu
s’Inferru, ma meda prus poita eus oféndiu a Bosu o Deus amabbilíssimu e a Bosu o
Mamma nostra piedosíssima cun su coru contritu e umiliau, imploraus immoi perdonu
e misericórdia. Promiteus sintzeramenti cunfortaus de s’agiudu chi isperaus de
Bosu, de non pecai mai prus, e s’agiudu dimandaus de tzelebrai dignamenti sa glória
de sa Immaculada Cuncetzioni bosta o Maria a sa preséntzia Bosta. Amen.
[Cosí si dirà in principio ogni giorno]. 800
Prima dí
Medas e grandus mistérius a is ogus de sa Fidi presentat s’Immaculada Cuncetzioni
de Maria, mistérius summamenti carus a is ogus de su Cristianu, e da nosàterus
spetzialmenti chi nosi gloriaus de èssiri divotus de custa Vírgini Santíssima, est de
grandu allegria su dhus dèpiri cun divotzioni meditai in custu puru e divotu novenàriu.
Custa singulari Cuncetzioni in primu logu nosi presentat sa naturalesa nostra restituida
a s’antiga puresa sua in Maria.
Creau s’ómini fintzas de printzípiu puru e innotzenti, e po conseguéntzia fatu ogetu
de is divinas cumplaxéntzias sendu istétiu pustis manciau de sa culpa, plàngiat in su
biri corrúmpiu dogna caminu, arrutu in disgràtzia de su Creadori suu, incapatzi de si
rincuntziliai cun issu.
Corrúmpiu fiat infati su caminu, po su cali depiat s’ómini bènniri a su mundu, corrúmpiu
su caminu de sa vida sua, corrúmpiu su caminu de sa morti. Ma biendu Deus tantu maltratada
s’òpera sua, bèni allargu de dh’annientai, bófiu at antzis coment’e artífitzi piedosíssimu,
e ótimu, faidha de bell’e nou, e tènniri sa cumplaxéntzia de dha biri un’àtera borta
pura e innotzenti, comenti finas de printzípiu fiat istétia in Adamu, e in Eva innotzentis.
Iat duncas donau manu a si formai una creatura, sa cali in mesu a is inicuidadis de sa
naturalesa giai corrúmpia, tenessit unu gradu nou de puresa, e de innotzéntzia originali.
Segundu custu nou disignu de su Creadori, […] cumparit totu bella Maria; e finas de su
primu istanti de s’èssiri suu sentza mància nisciuna, sentza tènebras de ignoràntzia, sentza
inclinatzioni a su pecau, única intre totus is fillus de is óminis.
Immaculada, chi cun su puríssimu candori suu solamenti cumpensat a is ogus de
Deus, sa generali corrutzioni de totu is àterus, e in sa perfeta integridadi sua in modu
nobbilíssimu esprimit sa prima integridadi de s’umana naturalesa cali essia fessit de
is puríssimas manus de su Creadori. Est beru chi custa naturalesa arreciri depiat do-