Is Pregadorias antigas: su signo de sa devozioni - Provincia del ...

Comune di Villanovafranca
in su fogu ardenti is manus porteis
in su coru e in sa menti si dhu pongheis
si dhu pongheis bèni forti
chi ndi tengat po finas a sa morti
ma no po mòrriri,
custa gràtzia dha bollu talmenti biri
de agatai cust’ogetu. Pater, Ave, Gloria.
Pregadoria 949
Gésperu in Celu, gésperu in terra
dogna ànima ndi essat de pena
dogna ànima batiada siat isciolta e perdonada.
Ave, Gloria, Pater.
Pregadoria 950
Sant’Anna non fustis ne nonna ne mama,
trint’annus teniast ne fillu ne filla iast tentu,
ma un’àngelu de su Celu t’iat nau
“Anna poita suspiras?” “Suspiru ca no
apu mai frutau”. “Chi no as mai frutau
gei as a frutai e sa Mama de Deus a diventai”.
Chi custa gràtzia dha depu otenni,
fammi bí unu campu froriu, una Crésia
cuncodrada o unu tàvolu aparechiau,
chi custa gràtzia non mi dha depit fai faimí
bí unu frumi de currenti, unu fogu
ardenti o un’ispada luxenti chi non fatzat
dannu ne a mei ne a sa mia genti.
Pregadoria 951
Gesús miu bellu, Tui mi as tzerriau in sa
domu tua poita ca Tui mi bolis chistionai
e mi bolis donai s’amori tuu, brinta in su
coru miu e trasforma sa vida mia, pigandi
totu cussu chi no est de Tui de su coru
miu, aici mi podis purificai e santificai e
abarrai sempri acanta de Tui. Gloria Patri,
Filio et Spiritu Santu.
Pregadoria 952
Toca sa campanedha
tocadha a forti a forti
chi s’intendat a corti
a corti de Ortueri
bella mia piberi
bella mia ingannada
a innoi ses andada?
A fai Ave Regina
Ave Regina a Campusantu
apu inténdiu unu prantu
unu prantu de dolori.
Beru est ca est mortu cudhu Signori?
Mortu e interrau,
ci dh’apu mandau una bella litra
una litaredha bèni bèni iscrita
sonu de trumbita
sonu de cadena
Ave Maria, gràtzia prena.
Pregadoria 953
643
Is oratzionis nostras po is nostrus pecaus
siant pedronaus
pedronaus in Crésia
po s’ànima mia
e po s’ànima allena,
dognunu si salvit de pena.
Pregadoria 954
Pesada mi seu in su bonu matinu
su bonu matinu de sa Groriosa
Mama frisca che s’arrosa
Mama frisca che su lillu
bonanoti Mama e Fillu.
Pregadoria 955
Gesugristedhu pitiu pitiu
mi seu pesada in su bonu matinu