Is Pregadorias antigas: su signo de sa devozioni - Provincia del ...

262
IS PREGADORIAS ANTIGAS - SU SIGNU DE SA DEVOTZIONI
de nosi convínciri de una borta èssiri Deus solu su veru e summu bèni chi podit
soddisfai is disígius nostus, e fainosí po sèmpiri felitzis.
Babbunostu, Ave Maria, Gloria Patri.
Nona dí - Oratzioni
O gloriosa Santa Filomena, chi po ai rinuntziau generosamenti a sa vanaglória de su
mundu, e ai elígiu is persecutzionis, su dolori, su disprétziu, s’infàmia, prus prestu
che mancai a sa fielidadi chi estis giurau a s’isposu bostu Gesús, seis immoi de Issu
tanti onorada, mentras ananti bostu si prostrant totus is pópulus de sa terra, is calis de
dogna parti bosi erigint altaris, invocant su nòmini bostu, e garégiant continuamenti
in su bosi onorai coment’e santa; otenei a totus nosu sa gràtzia de rinuntziai interamenti
a sa supérbia, po acuistai sa santa umilidadi chi est su fundamentu de dogna
virtudi e su veru camminu de sa glória; aici chi de immoi innantis, nienti fidendu in
nosu etotu, ripongaus in Deus dogna cunfiantza nosta, e arregordendusí de su nudha chi
seus, potzaus èssiri dignus de totu cudhas gràtzias chi po mesu bostu dhi domandaus.
Babbunostu, Ave Maria, Gloria Patri.
Novena de Sant’Anna 1861. Teòlogu Garau parroco 363
In nòmini de su Babbu, de su Fillu e de s’Ispíritu Santu. Amen.
Siais eternamenti beneditu e alabau soberanu Signori Sacramentau e sa Puríssima
Concetzioni de Mamma bosta Santíssima contzebia sentza mància de pecau originali
de su primu istanti de s’èssiri suu naturali, amen.
Atu de contritzioni
Misericórdia, Signori, mi pentu cun totu su coru de is pecaus mius: mi ndi pentu po is
bènis chi apu pérdiu, e po is malis chi apu merésciu pechendi; però printzipalmenti
mi ndi pentu poita chi apu oféndiu unu Deus tanti bonu, e tanti amàbbili comenti seis
bosu: bolia èssiri mortu innantis de Bos ai oféndiu; e propongu firmamenti cun is
ausílius bostus de mai prus pecai poita chi Bos amu prus de totu is cosas.
Oratzioni po dogna dí
Amabbilíssima, e gloriosíssima Abbogada mia Sant’Anna, chini mai at a podi giustamenti
cumprendi e dignamenti alabai is etzeléntzias bostas, de is calis bos at arrichiu
su Segnori elevenduosí a sa grandu dignidadi de èssiri Mamma de sa Mamma de su
própriu Deus? Dèu, già chi tanti no potzu, benedixu assumancu e gloríficu su Segnori,
ringratziendiridhu cantu potzu de totus is prerogativas, e grandesas chi Issu bos at
cuntzédiu cun manu aici libberali, e de is gràtzias innumeràbbilis cun is calis iat
arrichiu sa santa ànima bosta, comenti ancora de s’immensa glória chi immoi gosais
in su celu, e bosi pregu, Protetora mia, a otennirimí su totali perdonu de is culpas
mias, a ricontziliaimí perfetamenti cun su Segnori e Deus miu. Aici siat.