Is Pregadorias antigas: su signo de sa devozioni - Provincia del ...

72
Custu prodígiu segundu;
De su mari no est in fundu
Sa sola càscia assorbia. Rit.
4) Si bit claru chi poderi
Tenit sa càscia Divina;
Ma ita serrit in su sinu
S’ignorat cun displaxeri;
Si domandat de su meri,
Nisciunu narat: Est mia. Rit.
5) Acurtu su capitanu
E marineris impari,
Sa lància ghetant in mari
Po dha regolli; ma in vanu:
Dha spingit oculta manu
Po chi non bèngiat sighia. Rit.
6) Si torrat su bastimentu
A sa prima diretzioni;
Ma rebbellu a su timoni
Si mostrat in su momentu;
De sa càscia s’andamentu
Fieli sighit e sa ghia. Rit.
7) Fintzas a su litorali
De Sardigna acumpangiada,
A s’Orienti s’est firmada
De Castedhu, Capitali;
Giustu a faci de sa Reali
Mercedària cumpangia. Rit.
8) De fortza non c’est poténtzia
Chi dha boghit de su mari:
De prus màchinas impari
Non dha movit sa violéntzia
Símili in sa resisténtzia
A iscógliu de roca bia. Rit.
9) O temeràrius chi seis!
Dhi narat unu pipiu:
Chi nc’est su stemma isculpiu
Da sa Mertzei non bieis?
Si is Paras benni non feis,
Non podit èssi estraia. Rit.
IS PREGADORIAS ANTIGAS - SU SIGNU DE SA DEVOTZIONI
10) Casi fessit un’oràculu,
Duus Paras intrant in barca;
De prodígius a cuss’arca
Giai s’acostant. Oh miràculu!
Dha spingint, e sentz’ostàculu
Est in su lidu essia. Rit.
11) De su logu aundi firmada
S’est cun tanta resisténtzia,
Po su stemma e s’ubbidiéntzia
A is Mercedàrius mostrada;
Chi dhis bèngiat donada
Est chistioni definia. Rit.
12) Coment’e ricu tesoru
Dha portant is duus Levitas
E sighendidha infinitas
Personas avatu insoru;
Sa crésia, s’àtriu, su Coru
Plenit sa genti acudia. Rit.
13) De sa càscia misteriosa
Cumparit a s’apertura
Sa prus perfeta figura
Totu bella e magestosa
De cudha Mística Rosa
Sentza mància cuncepia. Rit.
14) Sa manca tenit asuta
Chi s’abbratzat su Bambinu:
Sa dereta una de linu
Tialla de sànguini bruta
Presentat, cun d-un’alluta
Candela non consumia. Rit.
15) Sa Famíglia Mercedària
Luegu votat in Capítulu,
Chi de su logu su Títulu
Si dh’impongat de Bonària;
Aundi óspiti voluntària
S’est Issa etotu esibbia. Rit.
16) In sa capella sighenti
Pustis in s’Altari Magiori,