Is Pregadorias antigas: su signo de sa devozioni - Provincia del ...

Comune di Barumini
Ne in domo e ne in su sartu
Santa Bràbara e Santu Giacu.
Pregadoria po is ogus 35
Sant’Antiogu Sant’Antiogu
Deo portu un’arritzu in s’ogu
Chi est mannu bogaendedhu
Sant’Antioghedhu Sant’Antioghedhu.
Salve Reina 36
Salve o Reina
ca ses Mama de cleméntzia
Dulciura in dógnia doléntzia
Isperàntzia nostra in vida.
Fillus d’Eva afligius
In sa terra trista erraus
A tie sola aclamaus
Ca ses sa Mama de Deus.
Suspiraus e prangeus
In custu logu de prantu
E Tui finas e cantu
Ti demostras piedosa.
O duncas Mam’amorosa
Potenti abbogada nostra
Is ogus Tuus a nosu ammosta
Totu prenos de amori.
Gesús nostru Segnori
De is intragnas frutu amadu
In custu disterru acabbau
Boleus bivi eternamente.
Già chi Tui ses Clementi
Totu Afàbbili e Pia
De coru ti saludaus,
Dulci Vírgini Maria.
Su mengianu bistendisí 37
Sa camisa mia mi bistu
S’ispada de Gesugristu
Su mantu de Nostra Signora
No apu bistu Missa ancora.
Su signali de sa Cruxi 38
53
Deo mi pòngiu sa manu in fronte
Deus mi ndi campit de mala morti
Deo mi pòngiu sa manu in petus
Deus mi ndi campit de malus pensamentus
Deo mi pòngiu sa manu in buca
Deus mi ndi campit de mala guta
Deus Babbu, Deus Fillu, Deus Ispíritu Santu.