Is Pregadorias antigas: su signo de sa devozioni - Provincia del ...

426
Pregadoria 603
Mama mia est in su Celu
mama mia est in campusantu
s’intendit unu prantu
unu prantu cun dolori
“Berus est chi est mortu su Signori?”
Mortu e interrau
una lítera mi ant imbiau
una lítera bèni iscrita
su sonu de sa trumbita
su sonu de sa candela
Ave Maria, gràtzia prena.
Pregadoria 604
In s’arrastu de su sàngui
caminat Nostra Signora
fama, fama, mia Signora
fama, fama Giuanni e Maria
duas féminas ant incontrau
a Fillu eis biu passau?
Biu passau gei no Dh’apu.
Una fémina at incontrau
Dh’ant a nai sa Verónica
sa Verónica Dh’ant a nai.
Nara fémina cristiana
a Fillu miu eis biu passai?
Biu passai gei Dh’apu
cun d-una gruxi meda pesosa
sa cadena piedosa
su mucadori mi at domandau,
si no bolit crei a mei
Dhu bit innòi figurau.
Nostra Signora a si bí custu
arruit a terra de disgustu
Guanni e sa Maddalena
de terra ndi Dh’ant pesada.
Andeus a su Monti Calvàriu
ca Dh’ant ai crucifissau
is obbilis portat postus
is ispinas coronadas
portat una lantzada
su Divinu a su costau.
IS PREGADORIAS ANTIGAS - SU SIGNU DE SA DEVOTZIONI
Chi at a nai cust’oratzioni dogna cenàbara
de annu
ndi at a bogai un’ànima de pena e sa sua
de pecau.
Chi dha scit e no dha narat bàsciu pena
de pecau.
Chi dha intendit e no dha imparat sa dí
de su Giudítziu dh’at a bí.
Pregadoria 605
Bonanoti sa Gloriosa
frisca seis che sa rosa
frisca seis che su lillu
Mama seis de caru Fillu
Mama seis de Fillu caru
s’ànima mia porteis a manu
e de nosu piedosa
bonanoti sa Gloriosa.
Pregadoria 606
Gesús, dèu mi crocu
s’àngelu mi nd’iscidat
tres cosas mi mancant
Cunfessioni, Comunioni e Ollusantu.
In nòmini de su Babbu, de su Fillu e de
s’Ispíritu Santu.
Pregadoria 607
Su letu miu est de cuatru cantus
e dhoi crocant cuatru Santus
cuatru santus de su Celu
Luca, Giuanni, Marcu e Mateu.
Pregadoria 608
In s’arrastu de su sànguni (si recita ogni
venerdí)
caminat Nostra Signora