Is Pregadorias antigas: su signo de sa devozioni - Provincia del ...

56
Mihi autem absit gloriari, nisi in Cruce
Domini nostri Iesu Christi.
S. Paolo Apostolo ai Galati 6.* V.* 11.*
Prus che soli luminosu
In s’altu sógliu celesti,
Rocu Santu de sa pesti,
O rimédiu prodigiosu!
..............................
1. Ses po santa intercessioni
De sa Vírgini Maria,
Nàsciu illustri de genia
Principesca in conditzioni,
Po dícia e consolatzioni
De una mamma e babbu annosu.
Rocu Santu de sa pesti
O rimédiu prodigiosu!
2. De cudhu primu momentu
Chi vide [?] as biu sa luxi,
Stigmatizada una gruxi
po divina gràtzia as tentu;
O signali de portentu!
Signali de poderosu!
Rocu Santu de sa pesti,
O rimédiu prodigiosu!
3. Crésciu apenas in edadi
Disprétzias sa nobbilesa;
Is tesorus, sa richesa,
Infiammau de caridadi,
Che lampus de vanidadi
Fuis lontanu a dógnia gosu.
Rocu Santu de sa pesti,
O rimédiu prodigiosu!
4. De s’Ispíritu Divinu
Plenu su coru e sa menti,
Ti bestis de penitenti;
Tristu erranti pellegrinu,
Giai ti ponis in camminu,
O siat longu o siat penosu.
Rocu Santu de sa pesti,
O rimédiu prodigiosu!
IS PREGADORIAS ANTIGAS - SU SIGNU DE SA DEVOTZIONI
5. E consuntu de digiunu,
Ti agiras de logu in logu;
In citadi non c’est fogu
Chi ti ricovrit nisciunu;
Ma su Trinu Deus chi est Unu
Ti cunfortat bisongiosu.
Rocu Santu de sa pesti,
O rimédiu prodigiosu!
6. E s’ómini si est crudeli
Prus che tigri e belva arcana,
Po poténtzia sovrumana,
Fessis casi unu Danieli,
Ti presentat cani fieli
Alimentu misteriosu.
Rocu Santu de sa pesti,
O rimédiu prodigiosu!
7. Po s’istàbbili in Deus fidi
De una roca àrida e dura,
Ti bis nasci de àcua pura
Una fonti po su sidi;
Impestau chini ndi bidi,
Cust’umori est sanidosu.
Rocu Santu de sa pesti,
O rimédiu prodigiosu!
8. Ma comenti bolit Deus,
Candu mancu dhu pentzaus,
Seus in terra circundaus
De afannus e malis peus.
Cali agiudu, cali teneus
Santu in terra prus piedosu?
Rocu Santu de sa pesti,
O rimédiu prodigiosu!
9. Sa penúria est pestiléntzia,
Est sa gherra un’epidémmia,
Pesti ancora est sa bestémmia
Contra de s’Onnipoténtzia
Est insultu a sa Sapiéntzia,
E a s’Ispíritu amorosu.
Rocu Santu de sa pesti,
O rimédiu prodigiosu!