Is Pregadorias antigas: su signo de sa devozioni - Provincia del ...

336
IS PREGADORIAS ANTIGAS - SU SIGNU DE SA DEVOTZIONI
Bosu chini seis unu Deus, dignu de infinitu amori, e po amori Bostu amu ancora su
próssimu miu comenti a mei etotu.
Salve Regina 400
Deus bosi salvit, Regina, Mamma de misericórdia; vida, dultzura nosta, Deus bosi
salvit. A Bosu recurreus nosàterus fillus de Eva; a Bosu suspiraus gemendi e prangendi
in custa valle de làgrimas. Bosu duncas, o Abbogada nosta, castiainosí cun
ogus de misericórdia, e apustis de custu esíliu, mostrainosí a Gesús frutu beneditu de
su sinu Bostu, o clementi, o pia, o dulci Vírgini Maria.
Puríssimu Santu Giusepi, Rei de is Santus, fei chi dèu fatza una vida totu innocenti e
sigura bàsciu su potenti patrocíniu Bostu, in s’amori de Deus e in sa passiéntzia de
Gesugristu. Aici siat.
Príncipi gloriosíssimu de is milítzias celestialis, Santu Micheli Arcàngelu, furriai
asuba de mei is oghiadas Bostas, e immoi e sempri pregai s’eternu Giugi po chi no
mi perda in s’ora tremenda de su giudítziu suu. Aici siat. (Si fatzat s’esàminu de
cusciéntzia asuba de is pecaus commítius in sa dí in pentzamentus, paràulas, òperas
e ommissionis.
Atu de contritzioni 401
Misericórdia, Signori, mi pentu cun totu su coru de is pecaus mius, mi ndi pentu po is
bènis chi apu pérdiu, e po is malis chi apu merésciu pechendi, ma principalmenti mi
ndi pentu, poita chi apu oféndiu unu Deus tanti bonu, e tantu amàbbili comenti seis
Bosu; bolemu èssiri mortu innantis de bos ai oféndiu; e propongu firmamenti cun sa
gràtzia Bosta de mai prus pecai, poita chi bos amu prus de totu is cosas.
Augustíssima Trinidadi, Babbu, Fillu, e Ispíritu Santu, únicu Deus, perdonaimí totus
is ofesas de sa vida mia, e donaimí de bèni bíviri e de bèni mòrriri.
Signori, in is manus Bostas racumandu e cunsignu s’ànima mia; e Bosu, po caridadi,
mandai is Àngelus Bostus po custodiri custu logu, a talis chi cudhus chi dh’abbitant
billint in Gesugristu, e riposint in sa santa paxi Bosta. Aici siat.
Si récitit unu De profundis, o unu Babbu nostu, un’Ave Maria e unu Requiem po is
Ànimas Santas de su Purgatóriu. In nòmini de su Babbu, de su Fillu e de s’Ispíritu
Santu. Aici siat.
Corchendisí si recitit:
Gesús, Giusepi, Maria, bosi dongu su coru e s’ànima mia.
Gesús, Giusepi, Maria, assisteimí in s’última agonia.
Gesús, Giusepi, Maria, ispirit in paxi cun Bosu s’ànima mia.