Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
De Lisbona in sa tzitadi
nascis de nóbbili genti,
chi ti educat santamenti
cun amori e caridadi;
in brevi de santidadi
difundis celesti odori.
Antoni...
A cinc’annus de edadi
donas a Deus su coru,
e a Maria su tesoru
de sa santa puridadi;
totu intera sa tzitadi
ti ammirat po su candori.
Antoni...
Disprétzias dogna richesa
de s’edadi in primu flori,
de Agostinu cun amori
ti abbratzas sa poberesa;
ti ritiras cun prestesa
de su mundu ingannadori.
Antoni...
Su corpus tuu innotzenti
maltratas cun disciplinas;
passas is notis continas
suspirendu amaramenti,
biendu cantu sa genti
ofendiat su Signori.
Antoni...
Disigendu ardentementi,
de morri martirizau,
s’órdini as abbratzau
de Franciscu penitenti,
cun trasportu surprendenti
de santu zelu e de amori.
Antoni...
Po cumbati s’eresia
a Maroco ses andau,
ma una gravi maladia
a torrai ti at obbligau;
e torrendu est capitau
a Sicília su vapori.
Antoni...
Pagu pustis t’incamminas
a s’Itàlia aventurosa
e in manera prodigiosa
cumbatis falsas dotrinas
propaghendu is leis divinas
de su Deus consoladori.
Antoni...
Fais cumparri in d-unu momentu
is piscis po ti ascurtai;
fais sa mula ingenugai
po adorai su Sacramentu;
ti obbidint s’àcua e su bentu
po celesti altu favori.
Antoni...
De s’altu tronu divinu
abbàsciat in bratzus tuus
su Redentori Gesús
in figura de bambinu;
ti dhu istringis a su sinu,
dhu carignas cun amori.
Antoni...
Mentras pregas, avisau
ses de sa Celesti Corti
chi babbu tuu a sa morti
innotzenti est cundennau:
cun prodígiu libberau
dh’as de morti e disonori.
Antoni...
In sa Frantza fais cun frutu
gherra contra su pecau;
ma posta Assisi est in lutu
ca Franciscu est sepultau
e a torrai cumandau
ses de su Superiori.
Antoni...
Postu in viàgiu, novamenti
ti provat s’Altu Signori,
325