Is Pregadorias antigas: su signo de sa devozioni - Provincia del ...

Comune di Pauli Arbarei
M. Obbillus mi lassas po acronnotu
C. E coronas de ispinas po ornamentu.
M. Adorna de tanti doloris
C. In logus de arrandas e de froris
M. Ecu totu sa sienda
C. Chi fillu miu morendi mi at lassau.
M. Po cussu bèni notai
C. Chi seu mamma de unu sententziau
M. Cun cussu apu a bandai
C. Fintzas aundi mi ant a interrai.
M. Cun sa corona ispinosa
C. Certu mi lassat po ornamentu
Giai chi seu dolorosa
C. Bèni m’istaint is turmentus.
M. Acabbau apu is cuntentus
C. Su consolu e s’alligria
M. Po unu fillu chi tenia
C. Mortu a fortza de trummentus.
XIV STAZIONE
M. Innòi Giusepi ecelenti
ponit in sa sepoltura
sa prus bella creatura,
Gesús rei Onnipotenti.
M. Cudha faci tanti ermosa
de su fillu de Maria
cun pena e agonia,
cuberat sa dura losa.
M. Ecu a Gesús interrau
in su sepulcru tenebrosu,
però tui dh’as causau
cun su pecau orrorosu.
M. Discurri sa forti pena
chi patit sa mamma trista,
priva de sa bella vista
de Gesús faci serena.
M. Prangi custu eternu rei
mortu de dolori forti
e pensa a chi sa morti
at a benni puru a tei.
M. Pentza o míseru mortali
e fissa su pentzamentu
si as a morri bèni o mali,
non ses siguru ne certu.
M. Is ogus de su prantu infiamma
po sa morti de Gesús
prangi e prangi prus e prus
sa grandu pena de sa mamma.
M. Prangi, ingratu pecadori,
sa tristesa de Maria,
prena de lutu e agonia
po su fillu redentori.
M. Lassa in totu su pecau,
curregi in totu su vítziu
ca as a andai a su giudítziu
po èssi in bèni sententziau.
M. Teni fissu in sa memória
non ti nd’iscarèscias mai
si ti perdis sa glória
in d-unu infernu as a penai.
225