Is Pregadorias antigas: su signo de sa devozioni - Provincia del ...

470
E de su Celu animau
Ofreis su tzugu pretziosu.
Libberainosí ecc.
De Castedhu apassionau
Sempri siais difensori
Sigheis a essi intercessori
Efis Màrtiri sagrau.
Gòcius de su Gloriosu
Sant’Antoni Abbati chi si vènerat
in Tuili su 29 de argiolas 684
Penitenti prodigiosu
De solitàrius modelu,
Pregai po nosu in Celu,
Antoni Santu Gloriosu!
Cun isplendori infinitu
Donat Antoni cun fama
De nóbbili Babbu e Mamma
Coma Tzitadi in s’Egitu
Po èssi in dogna conflitu
Eroi prontu e famosu.
Pregai ecc.
S’evangélica Dotrina,
chi in sa Crésia apréndiu eis,
In pràtica dha poneis
Cun prestesa peregrina
Donendu a sa boxi divina
Prontu assensu e fervorosu.
Pregai ecc.
De s’Eternu amori fertu
In sa prus flórida edadi,
Circhendi sa santidadi
Andastis a su desertu,
E a Deus si seis ofertu
Cun grandu afetu amorosu.
Pregai ecc.
Is ispíritus infernalis
S’impegnant a si tentai,
IS PREGADORIAS ANTIGAS - SU SIGNU DE SA DEVOTZIONI
Po si ndi podi furai
Is donus celestialis,
Parendu latzus mortalis,
Cun ispíritu orrorosu.
Pregai ecc.
Antoni cun fortalesa
A s’Inferru ponit gherra,
E ponit totus in terra
Is Dimónius cun lestesa.
Riportendi in dogna impresa
Sa corona vitoriosu.
Pregai ecc.
Su soli in primu Orienti
Preghendi s’at incontrau,
E preghendi s’at lassau
Declinau in s’Ocidenti
Sentza tènniri po nienti
Su corpus flacu riposu.
Pregai ecc.
De su fogu difensori
Bos aclamant is divotus
Giai chi po bosu a totus
Gràtzias donat su Signori
E po custu cun onori
S’aclamant prodigiosu.
Pregai ecc.
Candu benit a mancai
Prenda alguna e de valori,
Tui Antoni intercessori
Donas luxi po dh’incontrai,
Su furau fais torrai
De su ladroni ambitziosu.
Pregai ecc.
Su corpus po castigai
Circas modus, e maneras
Passendi notis interas
Sentza nudha riposai
Cun s’intentu de lograi
Pustis mortu su riposu.
Pregai ecc.