Is Pregadorias antigas: su signo de sa devozioni - Provincia del ...

586
Trìduu in onore de Sant’Antoni Abate 816
Triduo in preparazione alla festa di Sant’Antonio Abate
IS PREGADORIAS ANTIGAS - SU SIGNU DE SA DEVOTZIONI
1° giorno
Atus de Contritzioni
Gloriosu Sant’Antoni su cuali po una sola paràula de s’Evangéliu inténdia de bosu
mentras s’incontraiais ascurtendu cun piedadi e divotzioni ssiu [?] a su santu sagrifítziu
de sa Missa, considerendidha coment’e dirígia a bosu solamenti sa paràula divina,
bessiu apenas de Crésia iais dépiu abbandonai in su própriu momentu, e in s’edadi
de 18 annus sa domu, sa pàtria, sa possidéntzia, su mundu po s’inserrai in d-unu
arrorosu desertu, bivendinci po su grandu ispàtziu de 20 annus: otenei a nosàterus sa
gràtzia de èssiri dotzilis e prontus a is ispiratzionis de Deus, e prontus a distacai su
coru nostru de is cosas terrenas fuessint ancoras is prus caras e istimadas po assegurainosí
sa salvatzioni de s’ànima nostra. Amen.
2. Gloriosu Sant’Antoni chi dispretzendu fintzas de sa giòvuna edadi is richesas de
su mundu iais distribbuiu tota sa possidéntzia a is pòberus, e iais printzipiau una vida
de vigílias, de oratzionis, de digiunus e de peniténtzias: oteneinosí de su Signori sa
gràtzia de printzipiai assumancu de custu momentu a portai amori a sa poberesa, a su
ritiru, a s’oratzioni, a sa peniténtzia, po chi bivendu mortificaus in custa vida, potzaus
èssiri vitoriosus de su corpus nostru su cuali circat sèmpiri de contrariai is leis santíssimas
de s’ànima nostra.
3. Gloriosu Sant’Antoni, chi iais pretzédiu cun is esemplus bostus, e dirígiu in su
caminu de sa santidadi is discípulus bostrus, po mesu de is consillus chi dhis donaiais;
oteneinosí de su Signori sa gràtzia de cunformai sèmpiri sa cunduta nostra a is
consillus de is superioris is calis nosi dirigint, e de èssiri sèmpiri de esemplu e modellu
a totus medianti sa pràtica de dogna virtudi.
[...] 817
Segunda dí
1. Gloriosu Sant’Antoni, chi inserrau in sa solitúdini de una gruta iais tentu una continua
cunversatzioni cun Deus, passendu notis interas in is preghieras, e oratzionis is
prus tèneras, e afetuosas e tenendu sèmpiri sa menti dirígia a sa glória de su Celu,
ancoras in is trabballus e ocupatzionis bostras, oteneinosí de su Signori sa gràtzia de
no iscaresci mai sa diviníssima preséntzia sua in is trabballus, e ocupatzionis nostras
e de non gustai in su mundu àteru bèni si no sa delítzia, e sa cuntentesa de tratènniri
sa menti e su coru nostru cun Deus, acumpangendu is trabballus nostrus cun s’oratzioni,
trabballendu impari e preghendu.
2. Gloriosu Sant’Antoni, chi visitendu is grutas de is solitàrius is prus famosus, e
osservendu su mètodu, e sa cunduta de sa vida chi passanta cun tantu rigori, iais