Is Pregadorias antigas: su signo de sa devozioni - Provincia del ...

Comune di Pabillonis
Bellu prus de s’òru,
Soli chi egualas
De is altas salas
In sa magistadi,
Atru non ind’adi
De possidi galas
Sceti duas follas [?]
In sa gerarchia
Dromi fillu…
Suberanu impériu
in sa palla postu,
po s’amori nostu
patis cativériu,
druci refrigériu
de s’ànima mia.
Dromi fillu…
Soberana artesa,
Spíritu Divinu,
Poita ses nàsciu
In tanti poboresa?
Immensa grandesa,
Divinu Tesoru
T’abbratzis de coru
Custa tribbulia.
Dromi fillu…
Giusepi diciosu
ti podit amai,
beni po adorai
su rei poderosu,
ti podis lamai
Giusepi diciosu,
Gosas de su gosu
Chi tenit Maria
Dromi fillu…
Po pagai is dannus
De su mundu errau
S’est imbodhiau
Cun pòburus pannus
E totus is ingannus
De su pecadori
Po cambiai amori
In sa tribbulia.
Dromi fillu…
Incarnada isposa
De s’altu Orienti,
De s’Onnipotenti
Mamma ses diciosa
Di èssi gloriosa
No scíasta cumenti,
Ma s’Onnipotenti
Ti at fatu Reina
Dromi fillu…
Prangit su pipiu
Sendu in su bratzolu…
De mamma contzolu,
Citu, fillu miu !
Sendu in su bratzolu,
Citu coru miu,
C’ast èssi assistiu
De Mamma Maria.
Dromi fillu…
Is pastoris lassant
Is dommus insoru,
Su mellus Tesoru
In Betlemme agatant,
Súbbitu dh’abbratzant
Cun totu su coru,
Ne prata ne òru
Gualat s’allegria.
Dromi fillu…
De logu distanti
Benint is tres Reis
Po basai is peis
A su veru amanti
Presentendu tanti
Mirra Incensu e Òru
E de veru coru
Prósitu a Maria.
Dromi fillu…
205