Is Pregadorias antigas: su signo de sa devozioni - Provincia del ...

Comune di Collinas
10. Toscana dhu scit ch’est plena
De impestaus in s’ispidali;
Pesti ancora micidiali
Oprimit Roma e Cesena;
Si presentat Rocu apena
Cun sa gruxi est vitoriosu.
Rocu Santu de sa pesti,
O rimédiu prodigiosu!
11. Totu Itàlia, totu Frantza
Acuapendenti, Placéntzia
Isclamint cun sa preséntzia
Rocu firmu cun costantza,
Bincit totu s’ostinantza
De su mali perniciosu.
Rocu Santu de sa pesti,
O rimédiu prodigiosu!
12. Che Alessandrus! che Iscipionis!
Fàbius, Cesaris Romanus!
Stragi, ecídiu is inumanus
Morti addusint a is natzionis;
Però Rocu tra is campionis
Donat vida carignosu.
Rocu Santu de sa pesti,
O rimédiu prodigiosu!
13. Cali mai de glória intantu
Usat Rocu arma e vessillu?
Po s’Eternu Babbu e Fillu,
E po su Ispíritu Santu,
De si rendi oténniu at vantu
Cun su tatu gloriosu.
Rocu Santo
O rimédiu prodigiosu!
14. Usat s’arma in cali Cristus
Bincit e regnat, aterrat
Su Celu aberit, dhu serrat
A is de Sàtana prus tristus,
De fraudoléntzia maistus,
Coru súbdolu insidiosu.
Rocu Santu, custa pesti
Allontana prodigiosu.
15. E su mundu inorgogliu,
De magagnas coru plenu,
Isconoscenti ingratu alienu
De is bènis chi at arriciu
Tenit Rocu che aviliu
che un’ogetu dispetosu.
Rocu Santu, custa pesti
Allontana prodigiosu.
16. Ma Rocu, casi inspirau
Po Giustus Eternus finis,
Risolvit lassai is confinis
De is pópulus chi at salvau;
In Deus totu sublimau
Si ndi partit dolorosu.
Rocu Santu, custa pesti
Allontana prodigiosu.
17. Giai de nou Rocu est vaganti
In d-un’órrida foresta;
S’àiri plena est de tempesta
De lampus iscintillanti;
Rocu est fertu de fischianti
Lampu orrendu fragorosu.
Rocu Santu de sa pesti
Sias rimédiu prodigiosu!
18. Rocu in Deus solu fidenti
Ma isfiniu totu de afannus
Giai iscarésciu de is ingannus
Sofertus ingiustamenti
Si nci torrat tra sa genti,
Aundi est nàsciu dovitziosu.
Rocu Santu de sa pesti,
O rimédiu prodigiosu!
19. Ecu peus àturu iscógliu;
O de is óminis dispetu!
De pesti fertu e suspetu
Dhu tenit s’umanu orgógliu;
Su tziu própriu postu in sógliu
Dh’impresonat disdegnosu.
Rocu Santu de sa pesti
Allontana prodigiosu!
57