Is Pregadorias antigas: su signo de sa devozioni - Provincia del ...

Comune di Gonnosfanàdiga
Si comenti su pecau, introdúsiu de su dimóniu, coment’e unu velenu chi corrumpit e
turbat s’órdini naturali e s’unioni de is beridadis, chi de su printzípiu unint s’ómini a
Deus e formant s’ammiràbbili disignu de Deus supra de s’ómini: aici in s’èssiri Bosu
cuntzebia sentza mància, totu si riórdinat e si unit, poita essendu de una màssima
importantza po sa terra e po su celu, cumpareis in cussu primu instanti coment’e
s’anedhu a centru de totus is mistérius, coment’e sa luxi tra totus is beridadis. E po
cussu in cognitzioni de Deus unu e trinu sa sovranidade dómini [?]; su meravigliosu
e necessàriu riscatu, po mesu de su Verbu, fatu ómini, sa gràtzia, sa giustificatzioni,
su celu e s’inferru, sa vida e sa morti eterna, totu est uniu e collegau, cun s’Immaculada
Cuncetzioni, e totus is erroris contra custas beridadis sunti cun sa luxi de issa
cundennaus, aterraus, annientaus. Oh, cantu sunt ammiràbbilis is primus passus bostus!
Oh, cantu nosu depeus esultai! Oh depeis esultai, o Maria, in Deus, in bosu
etotu! Virgo Maria grande cunctas hereses sola interemisti in universo mundo. Clementi
[?] de su soli, fuit s’iscuriu, aici de sa luxi bosta, fuint is ingannus de s’inferru.
Bosu pero, coment’e Reina de su celu, gherrais contra de is fortzas de s’inimigu
infernali; e innumeràbbilis divotus bostus, de bosu animaus, s’ant a presentai cun
bosu coragiosus a custa gherra. Ma poita ancoras nosàterus non eus a èssiri tra custus
fortunaus gherreris. Si aici disigiaus: bestausí de umilidadi, de puresa, de su custódiu
de is sentidus, de s’oratzioni continua, de sa santidadi.
Donainosí duncas fortza o Maria, po cumbàtiri e bínciri: Da mihi virtutem contra
hostes tuos.
Pater, tre Ave e Gloria
Otava dí
Maria depiat cumpàrriri fintzas de su primu instanti valorosa nemiga e triunfadora de
s’inferru: ma tali d’èssiri digna de su veru nòmini de abbogada de is pecadoris. Deus
no escludit a nisciunu a fai s’abbogau in su tronu suu. Issu però est s’únicu Redentori
de is creaturas suas, s’únicu mediadori, su sovranu Pontéfitzi chi riconcíliat su celu
cun sa terra, is óminis cun Deus. Ma sa divina misericórdia at sufriu, chi de is méritus
suus derivessit méritus e próprius prus o mancu in is santus suus, po chi de issus is
pecadoris podessint èssiri agiudaus a si riconciliai cun Deus. Però tra totus is santus,
Maria depiat èssiri sa printzipali abbogada, comenti depiat cun Gesugristu, sa cooperadora
de su grandu riscatu, sa corredentora de su géneru umanu, Maria adduncas si
presentat cun prus cunfiantza a su tronu de s’altíssimu, in calidadi de corredentora e
de printzipali abbogada, depustis Gesugristu. Custa est una glória singulari, chi issa
tenit tra totus is santus de su celu.
Pater, tre Ave e Gloria
Oratzioni a sa Santíssima Trinidadi
O Santíssima Trinidadi! Bosu nos eis donau unu Redentori onnipotenti, un’altíssimu
abbogau, chi est Gesugristu. Po cussu, innumeràbbilis amigus de custu Redentori, est
a isciri is santus, is calis, plenus de s’ispíritu de issu, sunt prus sollítzitus de sa salvatzioni
de totus is pecadoris. Debustis nos eis donau a Maria, de una parti sorri nostra,
147