Is Pregadorias antigas: su signo de sa devozioni - Provincia del ...

Comune di Villanovaforru
4 a Sàbiu, sóbriu e moderau
Sèmpiri in totu su fai,
Prudenti in su fuedhai,
Ses afatu regulau;
Paris ómini atempau
De gioventudi in su flori.
Sant’Isidoru messaju,
Sias nostru protetori.
5 a In giovinesa matura
Conoscis èssi rexoni
De ti eligi professioni
E abbratzas s’agricoltura;
Ti ndi ocupas cun premura,
Cun diligentza e sudori.
Sant’Isidoru ecc.
6 a Po divina ispiratzioni
Pigas mulleri, Isidoru;
Dh’istimas de veru coru
Cun sintzilla diletzioni;
Benedita e santa unioni
Grata a su Celesti Amori.
Sant’Isidoru ecc.
7 a Cust’amàbbili mulleri
Si generat unu fillu,
Frutu de amori sintzillu
De cunfortu e de plexeri;
Ma po brevi ndi ses meri:
Si dhu tzérriat su Signori.
Sant’Isidoru messaju,
Sias nostru protetori.
8 a Custa est oportunidadi
Chi ti oferit su plexeri
Cun sa santa tua Mulleri
De votai sa castidadi,
Bivendu che sorri e fradi,
Unius in santu amori.
Sant’Isidoru ecc.
9 a Po bona pràtica fissa
In totus is dis de s’annu
Non bessis a su mengianu
Sentz’ascurtai sa Missa,
Oferendu a Deus in issa
Dogna trabballu e sudori.
Sant’Isidoru ecc.
10 a Is trabballus cumentzaus
Cun sa santa oratzioni
Si bint a profusioni
De su Celu cumpensaus
Cun frutus moltiplicaus
In dogna ispécie de lori.
Sant’Isidoru messaju,
Sias nostru protetori.
11 a Operosu e diligenti,
In s’argiola fortunau,
De su meri as acuistau
S’istima prus eminenti:
Ti tratat cortesementi
Cussu terrenu signori.
Sant’Isidoru ecc.
12 a Si Isidoru si tratenit
Algunas oras preghendi
In sa Crésia suplichendi
A su Deus chi dhu mantenit
In s’agricoltura tenit
S’Àngelu po suplidori.
Sant’Isidoru ecc.
13 a Su miràculu evidenti
Apenas s’est divulgau
Madriddi dh’at aclamau
Po Santu, ancoras biventi,
Tenendidhu cussa genti
In summu cuntzetu e onori.
Sant’Isidoru Messaju,
Sias nostru protetori.
14 a Nienti ti fait mudai
Tant’istima e tant’onori,
Sighis antzis in s’amori
E prodígius a operai:
Ma est tempus de riposai
E ti tzérriat su Creadori.
Sant’Isidoru ecc.
615