Is Pregadorias antigas: su signo de sa devozioni - Provincia del ...

542
IS PREGADORIAS ANTIGAS - SU SIGNU DE SA DEVOTZIONI
mannu, su cuali at portau sa saludi a s’umana naturalesa fata rea de morti po su pecau
de su primu ómini, interponei is pregadorias bostas, e s’intercessioni bosta, ananti de su
Rei Soberanu de su Celu chi eis generau in su puríssimu sinu bostu, po chi nosàterus
potzaus tzelebrai cun bosu is divinas misericórdias po totu s’eternidadi. Aici siat.
Si domandit sa gràtzia.
Salve Regina [...] 796
Segunda Dii
Mamma amorosíssima de su Rimédiu po cudha perfeta sommissioni, chi eis dimostrau
a is órdinis de sa divina providéntzia, e po sa premura, cun sa cuali prontamenti
eis obbedéssiu, insaras candu Deus po mesu de un’Àngelu bos iat cumandau de si
fuiri a s’Egitu cun su caríssimu Isposu bostu Santu Giusepi a ogetu de libberai de sa
persecutzioni de Erodes su Divinu pipiu Gesús, umilmenti bosi suplicaus de libberai
ancoras a nosàterus de is assaltus de is enemigus nostrus visíbbilis e invisíbbilis: o
aici comenti cun s’èssiri fuidu bosu in s’Egitu eis salvau a Fillu bostu Santíssimu po
cumpliri in su tempus de Issu profetizau sa grandu òpera de sa Redentzioni nosta: de
sa própria manera fadei, o grandu Vírgini, chi nosàterus bivaus sèmpiri riconoscentis
a unu tali benefítziu, po pòdiri meritai prus fatzilmenti is efetus de unu Rimédiu aici
mannu, a su cuali bosu eis agiudau cun totus is ispàsimus, e cun is prus vivus intensus
doloris in su Calvàriu. Aici siat.
Tertza dii
Mamma piedosíssima de su Rimédiu, nosàterus verus fillus, e divotus bostus non
podeus non tènniri sa prus figliali cunfiantza in sa protetzioni bosta, in considerai su
maternu afetu, chi po is netzessidadis nostras eis dimostrau insaras candu sa terra at
tentu sa glória de ndi èssiri possessora, afetu cun su cuali eis donau una prova in su
sposalítziu de Cana de Galilea, aundi po sa intercessioni bosta su Divinu Fillu bostu
Gesús aiat fatu su grandu miràculu de cambiai s’àcua in binu. Bosu misericordiosa, e
benigníssima comenti seis, e po cudhus noi mesis chi iais tentu inserrau in is intragnas
bostas s’Unigénitu Gesús, su cali est sa própria piedadi po esséntzia, bosi suplicaus
chi bollais èssiri piedosa cun nosàterus consolendunosí in is aflitzionis nostas,
sucurrendunosí in is netzessidadis nostas ispiritualis, o temporalis. Amen Gesu.
Cuarta Dii
Mamma puríssima de su Rimédiu, po cudhu intensíssimu amori, chi eis tentu nosàterus
in su Calvàriu insaras candu iais tentu sa bondadi de nos arreciri po fillus bostus
in persona de s’amau discípulu Santu Giuanni cun totu fervori bosi suplicaus, chi
bollais èssiri sèmpiri po nosàterus sa Mamma piedosa chi fiais in su Calvàriu a su pei
de sa Gruxi, preghendu a Fillu bostu Gesús, chi si presentit dogna dii a Bosu, e
racumandendunosí dognunu de nosàterus bosi nerit ecu a fillu bostu: pustis plenus de
figliali cunfiàntzia nareus ancoras nosàterus, ecu a Mamma nosta. Amen Gesu.