Is Pregadorias antigas: su signo de sa devozioni - Provincia del ...

422
• Immoi a is úndixi de sàbudu
cudhus angélicus cantus
is donus ispeciosus tantus
de is tres Reis umiliaus
totus funt cambiaus
in penas po turmentai.
Is crudelis doloris mius
unu pagu cuntemplai.
• Fillu tanti maltratau
Fillu tanti persighiu
nara, o pópulu atriviu,
ita dannu ti at causau?
Poita ti at illuminau
tui Dh’as bófiu aciotau.
Is crudelis doloris mius
unu pagu cuntemplai.
• Poita Issu at restituiu
a is itzurpus sa vista
poita Issu a sa concuista
de ànimas est essiu
de púrpura Dh’ant bistiu
po si ndi bolli befai.
Is crudelis doloris mius
unu pagu cuntemplai.
• Mortalis chi caminais
andais po dogna bia
mirai si a sa pena mia
similanti nd’incontrais
chi narais chi no nd’agatais
sa beridadi eis a nai.
Is crudelis doloris mius
unu pagu cuntemplai.
• Mamas chi fillus teneis
e de coru dhus istimais
chi afligida mi mirais
su motivu gei dh’iscieis
est giustu chi cunfesseis
chi mi potzu lamentai.
Is crudelis doloris mius
unu pagu cuntemplai.
IS PREGADORIAS ANTIGAS - SU SIGNU DE SA DEVOTZIONI
Gòcius de Santa Vida 596
Vida de Gesús isposa
Cun eternu risplendori,
Amparainosí cun amori,
Vida patrona gloriosa.
De Castedhu sa tzitadi
De illustris Babbu nascistis,
Su Batísimu arrecistis
Sendu in minori edadi;
In virtudi e santidadi
bos mostrastis prodigiosa.
Amparainosí...
Biendi tanti perfetzioni
E sa grandu santidadi,
Cumandat sa gentilidadi
De bosi pònniri in presoni
Fintzas a donai sa rexoni
De sa vida bosta diciosa.
Amparainosí...
Però bosu resistestis
Cun costàntzia a su tiranu,
Chi cun ímpetu inumanu
Bolliat chi a Deus lassestis;
Forti sèmpiri abbarrestis
In sa fidi fervorosa.
Amparainosí...
De grandu furori armau
Su tiranu comandessit,
Chi su corpus bostu fessit
Prontamenti turmentau
E cruelmenti flagellau
Po donai morti penosa.
Amparainosí...
Unu grandu fogu fatzesint,
Po s’abbruxai prontamenti
In preséntzia de sa genti
Chi a su martíriu acudesint;