Is Pregadorias antigas: su signo de sa devozioni - Provincia del ...

60
Gògius de Sant’Isidoru Messaju 50
(Sa festa si cèlebrat in Collinas
su 15 de Maju)
Messaju miraculosu
Plenu de divinu zelu,
Po nosu prega in su celu,
Isidoru Santu gloriosu.
1) De Madrid in sa tzitadi
Tui ses nàsciu cun amori
dimostrendi risplendori
po innocéntzia e po piedadi.
Sa divina Caridadi
Ti rendit tantu piedosu.
Po nosu…
2) Fintzas de pitichedhu
amas tui s’agricoltura,
e is trabballus cun premura
dimostras capatzidadi;
e su coru in sa piedadi
nutris meda fervorosu.
Po nosu…
3) Innantis chi su trabballu
cumentzis, cun ardori
in sa crésia a su Signori
tui dimandas dogna dí
favoris po podi bí
su terrenu prus frutuosu.
Po nosu…
4) Mentris in su Signori
s’ànima est infervorada
cussa terra est trabballada
de s’Àngelu aradori,
chi suplit cun fervori
a Isidoru prodigiosu.
Po nosu…
IS PREGADORIAS ANTIGAS - SU SIGNU DE SA DEVOTZIONI
5) Innocenti est acusau
de abbandonu a su doveri
dhu circat cun disprexeri
su meri tanti indignau,
de un’Àngelu agiudau
dhu incontrat labboriosu.
Po nosu…
6) De Vergas totu ansanti
de sidi forti est pigau,
cun sa bita at tocau
Isidoru in cuss’istanti
sa roca, e abbondanti
s’àcua donas, portentosu.
Po nosu…
7) De gràtzias ses rica vena,
amas Tui sa poboresa,
consolas dogna tristesa
de chini bivit in pena,
in custa vida terrena
Ti dimostras piedosu.
Po nosu…
8) Ti circat su pellegrinu
cun su coru afannau,
su pòburu est consolau,
cunfortau est su mischinu,
de Gesús, Rei divinu,
dispensas su veru gosu.
Po nosu…
9) Tzurpus, tzopus libberaus
de dogna potenti mali
po gràtzia Tua ispeciali
prontamenti funti sanaus,
soferentis disperaus
Ti aclamant generosu.
Po nosu…