Is Pregadorias antigas: su signo de sa devozioni - Provincia del ...

Comune di Tuili
Che mama si defendeis
Cun su bostru Mantu Divinu.
Donai a nosu
Teneis tanta eceléntzia
Donu e gràtzia singulari
Chi cudhas Divinas esséntzias
Resolvesit incarnare,
Si depesit inserrare
In cudhu petus divinu.
Donai a nosu
Seis mama ancora isposa
Filla sua giustamenti,
Ordinesit custa cosa
Deus eternu chi est potenti
A bosu mirant sa genti
Cali isprigu cristallinu.
Donai a nosu
Totus is descaminaus
Siant in terra e in mari
Sendi a bosu incumandaus
Non podint pirigulai
Sèmpiri a bosu depint invocai
Dogna aflitu peregrinu.
Donai a nosu
Cudhus cuàturu elementus
A bosu prestant ubbidiéntzia
E is bostus pentzamentus
Osservant cun diligéntzia
Contra a bosu no at poténtzia
Su dragoni serpentinu.
Donai a nosu
Is divotus e devotas
Pedint a bosu in adiutóriu
Cun cudhas ànimas totus
Chi patint in purgatóriu
Seis in su consistóriu
Cali rosa in su giardinu.
Donai a nosu
Signora donai sa manu
Già chi podeis tantu
Aprigai su Cristianu
Cun custu Celesti Mantu
Ne olvideis su piantu
De su pópulu mischinu.
Donai a nosu
Làudis a sa Vírgini de is Gràtzias 693
De gràtzias abbundante vena,
De Deus mama singulare,
Cherzades pro nois pregare,
Maria de gràtzias piena.
In gràtzia fistis cunceta
Sentza culpa originale
Restendhe sa piús perfeta
Creatura sentza uguale,
Candu istamos in su male,
In su traballu, in sa pena,
Cherzades pro nois
Totus sas gràtzias, Signora,
Perfetamente apristis
In s’istante ch’istetistis
De custas Dispensadora,
De aflitos consoladora
De sos ch’istant in cadena.
Cherzades pro nois
A su paganu su Moro,
A dogni ànima mischina
Sa tua gràtzia divina
Lis infundhes in su coro,
De s’ànima àmpiu tesoru
Chi tenes a manu piena.
Cherzades pro nois
Pro nois ortu fioridu,
A dogni momentu e ora
Intercedide, Signora,
A su chi azis partoridu
483