Is Pregadorias antigas: su signo de sa devozioni - Provincia del ...

Comune di Furtei
3) Unu Erodi persighendi
a s’amau miu Gesusu,
su dolori prus e prusu
Andàt in mei aumentendi,
de su furori iscapendi
a s’Egitu andu a abbitai. Rit.
4) Seu de penas ingiriada,
po tres dis circu e no biu
a s’amau Fillu miu
ch’in su templu disputada;
biendimí abbandonada
non mi potzu consolai. Rit.
5) Restu casi dimajendi,
chi sa pena est tropu forti,
cundennau a infami morti
unu fillu cuntemplendi,
sa gruxi a pala portendi
apena podit andai. Rit.
6) Mi mancat giai su respiru
candu in sa penosa gruxi
de custu mundu sa luxi
eclissada dèu dha miru;
m’est sollievu su suspiru,
consolu su lagrimai. Rit.
7) Una crudeli lantzada
chi su petus at obertu
de unu Fillu at fertu
e dèu mama isconsolada
po is penas seu riservada,
bivu ma po agonizai. Rit.
8) Sola aturu in amargura
afligia e isconsolada,
ca de mei s’est apartada
s’allirghia e sa dulciura;
una trista sepoltura
m’at pótziu solu lograi. Rit.
9) In sa solidadi trista
bivu immui abbandonada,
de angustias acumpangiada
e de aflitzionis provista,
aundi giru sa vista
penas solu ap’incontrai. Rit.
10) Cudhu gosu chi tenia,
cudhu cuntentu in Betlemme,
s’ingrata Gerusalemme
dh’at cunvértiu in agonia,
in custa tanti allirghia
depiat benni a passai.
11) In lutu funti passaus
cudhus angélicus cantus;
is donus e ossécujus tantus
de tres reis umiliaus
totus funti cambiaus
in penas po turmentai.Rit.
12) Po èssi issu torrau
a is tzurpus sa vista,
poita ca a sa concuista
de ànimas est essiu,
de púrpura dh’at bistiu,
po si ndi bolli befai. Rit.
13) Po èssi sustentu donau
cun abbundàntzia a is famius,
poita a medas consumius
e malàdius at curau,
e mortus resuscitau,
morti dh’at bófiu donai.Rit.
14) Mortalis chi camminais
e andais po dogna bia,
narai si a sa pena mia
una símili nd’incontrais,
si su giustu cunfessais
certu non s’at agatai. Rit.
15) Mamas, chi fillus teneis
e de coru dhus istimais,
si afligida mi mirais
69