Is Pregadorias antigas: su signo de sa devozioni - Provincia del ...

Comune di Samassi
glória bosta, particolarmenti is chi sunti prus abbandonadas e non tenint chini preghit
po issas, e cudhas po chini seu obbligau prus a pregai, po chi bos gosint e alabint
eternamenti. Aici siat.
Continua poi con “Maria Santíssima”, “Antiphona” e “Oremus” precedenti.
Novena in onore dello Spirito Santo
In nòmini de su Babbu, de su Fillu e de s’Ispíritu Santu. Aici siat.
Ispíritu de sapiéntzia, chi a somigliantza de su fogu purificais is corus totus de is
óminis de s’atacamentu a is terrenas afetzionis, deh! o Ispíritu consoladori, sigumenti
eis purificau is corus de is Apòstolus de totus is antigas imperfetzionis, degnaisí de
distrúgiri in is corus nostrus is afetus mundanus, po chi potzaus in totu sa vida nostra
gustai is afetus totus santus e fervorosus in su bostu divinu servítziu. (Babbunostu,
Ave Maria e Gloria Patri).
Ispíritu de intelligéntzia, chi illuminais totus is mentis po dhas arrichiri de cognitzionis
totalmenti celestialis, deh! dissipai totus is tènebras malignas chi ofuscant is pòberas
mentis nostras, po chi nosàterus potzaus connòsciri totus is cosas, ma specialmenti
sa sublimidadi e s’ecelléntzia de totus is divinus mistérius, donaisí sa gràtzia
de èssiri fortis in sa fidi e donaisí coràgiu e fortza de dha professai, dha difendi, e de
dha propagai in su mundu. (Babbunostu, Ave Maria e Gloria Patri).
Ispíritu de consillu, de aundi solamenti benint is lumis indispensàbbilis, po libberainosí
de dógnia perplessidadi, deh! siais su diretori ispeciali de is ànimas nostras, po
chi in totus is determinatzionis nostras non pentzeus a àtera cosa si no a s’adempimentu
perfetu de sa sovrana voluntadi bosta, a sa cali nosàterus si uneus fintzas de
custu momentu po no si separai mai prus. (Babbunostu, Ave Maria e Gloria Patri).
Ispíritu de fortilesa, po mesu de sa cali solamenti si bincit e si triunfat de is mundanas
grandesas, e de is astútzias de s’infernali inimigu, e sigumenti tanti coràgiu donastis
a is màrtiris fenduridhus suportai is prus cruelis suplítzius de is pérfidus carnífitzis,
deh! cuntzedei ancora a nosàterus tali fortza e coràgiu po chi resistiri potzaus a tantis
inimigus e potzaus símilis a is màrtiris riportai onorada vitória. (Babbunostu, Ave
Maria e Gloria Patri).
Ispíritu de isciéntzia po mesu de sa cali solamenti si conoscint is vanidadis de totus is
umanas cognitzionis de s’illuminai sa menti nostra cun cudh’isciéntzia totalmenti
divina, est a isciri cun s’isciéntzia de is santus, po chi nosàterus totus potzaus connòsciri
is pecaus nostrus, dhus potzaus pràngiri cun veru dolori e in custu modu connòsciri
sempri prus is grandesas de su celu po dhas podi consighiri in s’eternidadi.
(Babbunostu, Ave Maria e Gloria Patri).
Ispíritu de piedadi, po mesu de sa cali solamenti si format unu solu coru e una sola
ànima tra totus is cristianus, deh! cuntzedei ancoras a nosàterus de amai sempri prus
cun veru amori e piedadi is fradis nostrus, po chi potzaus ancoras nosàterus èssiri
amaus de bosu in custa vida e in s’àtera. (Babbunostu, Ave Maria e Gloria Patri).
257