Is Pregadorias antigas: su signo de sa devozioni - Provincia del ...

168
IS PREGADORIAS ANTIGAS - SU SIGNU DE SA DEVOTZIONI
àteras Marias e de totu is discípulus de Gesús candu issu est istau inserrau in su santu
sepulcru; ma cunsidera prus de totu sa desolatzioni de su coru addolorau de Maria in
su si biri priva de s’istimau Fillu suu; e a vista de tantus làgrimas, teni bregúngia de sa
pagu piedadi chi as dimostrau in custu santu viàgiu. Deh! Scidadí finalmenti e basendu
sa làpida de custa tumba sagrada circa de dhoi depositai su coru e cun bellu prantu
as a pregai su Signori narendu:
Piedosíssimu miu Gesús chi solu po amori miu eis bófiu fai custu viàgiu dolorosu, bos
adoru defuntu e inserrau in su santu sepulcru, ma bos emu a bolli puru inserrau in su
míseru coru miu po chi uniu a Bosu, pustis custu santu esercítziu, arrisúscitit a noa vida de
gràtzia e potza medianti sa perseverantza finali ispirai in gràtzia bosta. Cuntzedeimí duncas
po is méritus de sa passioni bosta santíssima, chi apu meditau fintzas a immoi, chi po
últimu sustentu arrícia su pani eucarísticu, po últimas paràulas pronuntzi Gesús e Maria e
s’últimu respiru corrispondat a cudhu de Bosu in sa gruxi; po chi in custu modu cun d-una
biva fidi cun firma isperantza e cun d-un’ardenti caridadi mòrgia cun Bosu e po Bosu, po
regnai cun Bosu eternamenti po totu is séculus de is séculus. Aici siat.
Pater. Ave. Gloria. Signori, apu pecau…
Quando corpus morietur
Fac ut animae donetur
Paradisi Gloria. Amen
O cara Mamma, in s’última agonia
De su corpus s’ànima bessida
Po sa celesti vida
Lessit puru custa terra de doloris.
Prangiaus…
All’altare di San Francesco
Alle piaghe di Gesù Cristo
A sa liaga de sa manu dereta preghendidhu po su dolori chi at sufriu a nos ispirai unu
veru dolori de is pecaus ispetzialmenti in puntu de morti. Pater. Ave. Gloria.
A sa liaga de sa manu manca, preghendidhu po su turmentu chi at patiu de nos agiudai
po non arrui mai prus in pecau mortali. Pater. Ave. Gloria.
A sa liaga de su pei deretu suplichendidhu po su dolori chi dhui at sufriu a nosi difendi
de dogna mala tentatzioni, particularmenti a is últimus de sa vida. Pater. Ave. Gloria.
A sa liaga de su pei de manca, preghendidhu po su dolori chi dhui at sufriu a nosi cuntzedi
chi arriciaus is Santus Sacramentus màssimu in puntu de morti. Pater. Ave. Gloria.
A sa liaga de su sagru Costau preghendidhu po is doloris chi at sufriu in totu su
corpus, chi s’ànima nostra siat diféndia in vida e arricida in morti, in bratzus sus in su
celu. Pater. Ave. Gloria.
Altro Pater Ave Gloria, giusta l’intenzione dei sommi pontefici.
Antifona: Christus factus est pro nobis oboediens usque ad mortem: mortem autem Crucis.