Is Pregadorias antigas: su signo de sa devozioni - Provincia del ...

Comune di Tuili
In d-unu mari de penas
Ispiras, Columba innotzenti.
Filomena
In Roma ti ant interrau
Cun segreta diligéntzia
Pro Divina Providéntzia
Su corpus s’est incontrau,
Su sànguini at dimostrau
Variedadi sorprendenti.
Filomena
Po sempiterna memória
E consolu universali
De sa nàscita reali
Revelas s’oculta istória,
Su martíriu cun sa glória
Chi gosas eternamenti.
Filomena
Su nòmini tú famosu
In brevi s’est dilatau
Ti invocat s’isconsolau
Ti cunsultat su dudosu
Cunvertis in veru gosu
Su prus funestu atzidenti.
Filomena
Ses cunfortu singulari
In partus e maladias,
In estremas agonias
E perígulus de mari,
Su prus difícili afari
Cumparis placidamenti.
Filomena
O tesoru Celestiali
In Mugnanu istabbiliu,
De su pópulu afligiu
Reparas prestu su mali,
De su nemigu infernali
Defendi nos fortamenti.
Filomena nos implora
Gràtzias de S’Onnipotenti
Làudis de Santa Rita de Càscia 709
De Gesús ses istimada
De impossíbbilis protetora,
Sias nostra intercessora,
Rita benaventurada.
Su nòmini a nascimentu
Da un’Àngelu est avisau
A mamma tua isvelau
Cun singulari portentu,
O nóbbili argumentu,
O prenda de Celu amada.
Sias nostra intercessora
Cun sa gràtzia batismali
Ti cunservas innocenti,
Is abis divinamenti
Donant custu signali,
Ses dultzura celestiali
Po nosaterus destinada.
Sias nostra intercessora
De Càscia bellu ornamentu
De s’Úmbria fecunda palma
As a èssiri glória e fama,
De is Agustinus cuntentu,
Dognunu mirat atentu
Santidadi privilegiada.
Sias nostra intercessora
Singulari s’ermosura
De virtudis adornada,
Ses de totus istimada
Angélica creatura
E in tali bella figura
De totus ses ammirada.
Sias nostra intercessora
Sendhe sa minore edade
Signali de Santa as dadu
Candu a Deus as cunsagrau
Sa bella virginidadi
Però contr’a voluntadi
Tui benis isposada.
Sias nostra intercessora
499