Is Pregadorias antigas: su signo de sa devozioni - Provincia del ...

212
Boliant unu chi fiat assenti,
Fut totalitària sa promotzioni.
Cun grandu sperantza si ponint a fai;
parriat una cosa de divertimentu,
totus concurriant in su trabballai
chi po totu dí o po unu momentu.
Si fut fatu prestu cun sa muradura
Ma po totu s’atru mancàt su dinai
A chi boliat soleta e chi sa crabetura,
Bastat chi sa crésia dha depaus fai.
Po dha fai prestu non fut cosa giusta
Chi non essit agiudau unu signori,
Prus de incoragiai si donat sa busta
Si dh’at a pagai Deus e Santu Luxori.
Riunionis e cuéstuas fiant frecuentis
Parit unu sonnu immoi chi est passada,
Totus assistiant amigus e parentis
Po chi sa crésia fessit acabbada.
Sa crésia est finida cun grandu allegria,
Is Pabillonesus faint sa festa
Sighendidha ancora cun bell’armonia
Mancai ci siat cancuna protesta.
Sa mesa de su Signori 312
Custa mesa de su Signori
po mei est apariciada,
de àngius est ingiriada
de àngius po dha serbí.
Diciosa cudha dí
chi s’ànima mia at a èssi límpia e pura
po andai a sa segura,
a sa segura sentza de ingannu.
Non c’est istadu mannu
de àteru e nobbilesa
IS PREGADORIAS ANTIGAS - SU SIGNU DE SA DEVOTZIONI
po biri in custa mesa
cumbidada de su celu.
Gesús miu amorosu e bellu,
custas gràtzias chi mi fais
ca in manus mi ponis is crais,
is crais de sa glória.
Dèu sena memória
po chi mi pòngia a pensai
un’òpera chi bollu fai,
un’òpera de preséntzia,
po arreciri largamenti
su divinu mandiari
chi est in pitzu de s’altari,
previniu a innòi seu beniu
cun medíssima cunfidàntzia,
cun sa fidi, sa speràntzia, e s’ammori,
Gesús miu, amorosu frori,
de mamma tua serba sa puresa.
Allabantza, discantza
a custa ànima afrigida,
chi dha bis in custa vida pigandedha
a su celu portancedha,
no dha lessis prus patiri
a penai in sa terra,
sentu ca mi fait gherra
a dogni ora s’aremigu
sendu dèu in su castigu
non mi perda.
Fromandi de mei una perda
chi non mi aparti prus de tei,
testu solu po sèi
testu po sèi solu
po ch’ispiru cun cantzolu
in sa prus prestu
e cun santu manifestu
aici siat.