Is Pregadorias antigas: su signo de sa devozioni - Provincia del ...

Comune di Villamar
e a Santu Miali (Michele),
a Santu Miali in testa.
Ànima mia podesta,
podesta ànima mia
in su sonnu e in bia,
in bia e in su sonnu;
in su letu miu mi dromu,
in su letu mi dromia
e s’Àngelu dhoi tenia.
S’Àngelu Gabrieli
benit a mi guardiai,
a mi guardiai benit
po chi su malignu non m’ingannit
ne a dedí ne a denoti
ne in s’ora de sa morti.
Gesús, Giusepi e Maria,
a Bosu racumandu
su coru e s’ànima mia.
Sennoredha mia 879
A innui ses andendi, Sennoredha mia?
Dèu seu andendi a cicai a fillu miu
ca mi dh’at tentu unu cani giudeu,
e mi dhu portat de monti in monti,
sa gruxi de òru dha portat in fronti,
sa gruxi de linna no dha podit tirai;
sonai, sonai is campanas de mari
e sonaidhas cun grandu dolori:
Gesús ch’est mortu su Signori,
Gesús ch’est mortu e interrau,
litaredha mi at mandau,
litaredha bèni iscrita,
su sonu de sa trombita,
su sonu de sa cadena;
Maria dolu e pia,
Maria dolu e pena,
su fillu chi teniat
tanti bonu e tanti amau
de Giudeu mali tratau.
Su Creu 880
607
Creu in d-unu solu Deus
Babbu nostu poderosu,
criadori, Signori de su celu e de sa terra,
e in Gesugristu, fillu sú,
únicu Signori nostru,
in su celu est istau
cuntzepiu po òpera de s’Ispíritu Santu,
nàsciu de Maria Vírgini,
at patiu a bàsciu poderi
de Póntziu Pilatu,
crocifissau, mortu e sepurtau,
a is tres dis est arrisuscitau,
est artziau a su celu
aundi est sétziu a sa manu dereta
de su Deus Babbu,
de aundi at a benni
a giudicai is bius e is mortus.
Creu in s’Ispíritu Santu,
in sa Santa Crésia Católica,
sa cumunioni de is Santus,
in sa resurretzioni de sa carri,
sa vida eterna, aici est.
Su segnu de sa gruxi 881
Mi fatzu sa gruxi in fronti
candu Gesugristu fut in su monti.
Mi fatzu sa gruxi in buca
candu Gesugristu fut in sa gruta.
Mi fatzu sa gruxi in su petus
candu Gesugristu fut in su desertu.
Mi fatzu sa gruxi in s’ànima
candu Gesugristu portat sa prama.
Mi fatzu sa gruxi in su costau
candu Gesugristu fut crocifissau.
Nomi de Patri, Maria Matri
doxi Apòstolus, cuatru Evangelistas,
custa fut sa gruxi chi iant fatu a Cristu.