Is Pregadorias antigas: su signo de sa devozioni - Provincia del ...

Comune di Sàrdara
A sa Crésia declaraus
De Deus onnipotenti.
E totu custu dhu creu
Po chi est summa beridadi,
Incapaci de falsidadi,
S’altu Autori chi est Deus.
Chi inganneis no est possíbbili,
Veracíssimu Signori;
Deus seis Bosu e Creadori,
Seis beridadi infallíbbili.
Atu de isperantza 465
Deus miu, poita chi seis onnipotenti, misericordiosíssimu
e fidelíssimu, isperu chi
m’eis a donai sa vida eterna chi m’eis
promítiu po is méritus de Gesugristu, fendu
dèu òperas de bonu cristianu, comenti
propongu de fai cun is santus ausílius
bostus, is calis isperu de sa bondadi bosta
infinita.
Brebus po is cogas 466
Santu Sisinni miu sinnau,
sola sola a mi corcai,
sola sola a mi dormí,
a nemus a timí,
ni a Luca e ni a Giuanni,
ni a Santu Miali
Santu Miali testu,
testu s’ànima mia.
Su letu ‘e gloria,
su letu ‘e cuatru peis,
s’Àngiu si dhoi seit
s’Àngiulu ‘e Gesugristu
poneimí sa manu in chintzu!
Aundi andais, Segnora?
Aundi andais, dona?
A bití tres presutus
e ollusantu ‘e Cristu
a terra ‘e Gerusalemmi.
Deus Babbu, Fillu e Ispíridu santu.
375
Candu apu a èssi ananti de su Signori 467
Candu apu a èssi ananti de su Signori
it’at a èssi sa cara chi dhi apu a bogai.
It’at a èssi sa cara, it’at a èssi sa cara,
e a dogn’ora intendu sa campana;
nimmancu sa gruxi non m’isciu fai!
Candu apu a èssi …
Nimmancu sa gruxi, nimmancu sa gruxi,
Gesugristu a nosus s’at bogau a luxi
e non seus futus de si dhu torrai!
Candu apu a èssi …
Ca non seus futus ca non seus futus
e nimmancu a crésia non seus acurtus
ni po biri missa, ni po cunfessai!
Candu apu a èssi …
Ni po biri missa e mancu po nienti,
pregaisidhu a Deus e a Santu Vissenti
ca custu est unu santu chi poit agiudai.
Candu apu a èssi …
Cògius de Santu Gregóriu “Magnu” 468
Venerau in sa Crésia Rionali de Sàrdara,
su primu Domínigu de Cabudanni
Soli claru luminosu
In is celus coronau,
Ses su Papa portentosu
Chi sa Crésia at onorau.
Alta progénie romana
Nascis flori delicau,
In sa gràtzia cunsagrau
E sa fidi soberana,